Kamaljan Nadyrov «Astana meditsina ýniversiteti» KEAQ basqarma tóraǵasy – rektory bolyp taǵaiyndaldy, dep habarlaidy "Ult aqparat" atalǵan JOO saityna silteme jasap.
Astana meditsinalyq ýniversitetinde QR Densaýlyq saqtaý ministri Aleksei Tsoidyń qatysýymen ótken jiynda ýniversitettiń jańa rektory bolyp Kamaljan Nadyrov taǵaiyndaldy. Sonymen qatar atalǵan JOO-nyń Direktorlar keńesiniń tóraǵasy bolyp Baqytjan Deribsáliuly Seksenbaev , jańa táýelsiz direktor bolyp – Damir Serikbaiuly Súientaev sailandy.
Nadyrov Kamaljan Talǵatuly 1983 jyly 27 aqpanda dúniege kelgen.
Eki joǵary bilimi bar – meditsinalyq jáne ekonomikalyq. S.D. Asfendiiarov atyndaǵy qazaq memlekettik meditsina ýniversitetin , Turan ýniversitetin, Qoǵamdyq densaýlyq saqtaý joǵary mektebin bitirgen. Duke University, «The Fuqua School of Business» (AQSh), Parkway College» (Singapýr), «Florence Nightingale» (Túrkiia) klinikalar tobynda, «Oxford» Social Health Insurance system» (Germaniia) bilim aldy. «Qoǵamdyq densaýlyq saqtaý» (MVA) mamandyǵy boiynsha iskerlik ákimshilendirý magistri jáne «Biznes ákimshilendirý» (EMBA) mamandyǵy boiynsha iskerlik ákimshilendirý magistri.
2007 jyldan 2014 jylǵa deiin B.O.Jarbosynov atyndaǵy Ýrologiia ǵylymi ortalyǵynda klinikalyq ordinator, bólim meńgerýshisi, bas direktordyń orynbasary bolyp jumys istedi. 2016 jyldan 2017 jylǵa deiin Respýblikalyq diagnostikalyq ortalyqty basqardy — «University Medical Center» filialynyń direktory boldy.
2017-2018 jyldary Astana qalasynyń densaýlyq saqtaý basqarmasyn, 2019 jyldyń naýryz aiyna deiin Astana qalasynyń qoǵamdyq densaýlyq saqtaý basqarmasyn basqardy.
2019 jyldan 2020 jylǵa deiin QR Densaýlyq saqtaý vitse-ministri qyzmetin atqardy. 2020 jylǵy maýsym-qazan aralyǵynda Almaty Qoǵamdyq densaýlyq basqarmasynyń basshysy boldy.
2021 jyldyń naýryz aiynan bastap Densaýlyq saqtaýdy damytý respýblikalyq ortalyǵynyń basshysy bolǵan edi.
