Baqytjan Saǵyntaev qaladaǵy epidemiologiialyq jaǵdaiǵa arnalǵan onlain brifingte koronavirýsqa qarsy vaktsinatsiianyń mańyzdy ekenin aitty, dep habarlaidy QazAqparat.
Qala ákimi vaktsina tegin salynatynyn atap ótti. Qarajat biýdjetten bólinedi.
«Qazir bizdiń qolymyzda reseilik «Spýtnik V» vaktsinasy bar. Densaýlyq saqtaý ministrliginiń málimetine súiensek, elimizge qytailyq SinoVac vaktsinasy jetkiziledi. Byltyr jeltoqsanda qosymsha eki myńnan asa erikti QazVac otandyq vaktsinasymen egildi. Sáýirdiń sońyna deiin alty myńǵa jýyq doza ákeledi degen úmittemiz. Sol jaǵdaida ǵana halyq qandai vaktsina saldyratynyn tańdai alady», - dedi Saǵyntaev.
Sondai-aq ol turǵyndardy vaktsinaǵa qatysty túrli alyp-qashpa áńgimelerge senbeýge shaqyrdy.
«Bárimiz, kórip, bilip otyrmyz, bir jyl ótti bul aýrýdyń sheshimi joq. Qaita-qaita lokdaýn jasap, karantinge jaýyp jatsaq ta, bul aýrý ketpei jatyr. Biz qaýipsizdiktiń barlyǵynan óttik. Aýrýdyń taralýy birde kóterilip, birde túsip otyr. Endi britandyq, ońtústik shtamm shyǵyp jatyr. Munyń mýtatsiiasy ary qarai kete beredi. Kelesi jyly basqa da mýtatsiiasy shyǵýy múmkin. Bul virýs bizden eshqaida qashyp ketpeidi. Meniń túsinigimde ómir boiy bizben bolady. Sol sebepti budan qorǵanamyz desek bizge vaktsina kerek. Basqa sheshimin kórip otyrǵan joqpyz. Ony mamandardyń barlyǵy aityp otyr. Iri memleketterdiń bári tek vaktsinamen sheship jatyr. Eger burynǵy qalypty jaǵdaiǵa kóshemiz desek onda qoryqpai, qaýesetke ermei ekpeni qabyldaýymyz qajet», - dedi Saǵyntaev.
