Qoldanbaly etnosaiasi zertteýler institýtynyń direktory Talǵat Qaliev depýtattar men sheneýnikterdiń eńbekaqysyn kóterýge bes jyldyq moratorii týraly pikir bildirdi, dep habarlaidy QazAqparat.
«Búginde bailar men kedeilerdiń arasynda, joǵary jáne tómen jalaqy alatyndar arasynda alshaqtyq bar. Meniń oiymsha, Prezident Qasym-Jomart Toqaev bul sheshimdi etikalyq turǵydan qabyldady. Jalaqysy óte tómen mamandyqtar bar kezde ministrlerdiń tym joǵary jalaqy alýǵa jáne ony turaqty túrde kóterip otyrýǵa quqyǵy joq. Bul sheshim osy olqylyqty joiý maqsatynda qabyldandy», - dedi Qaliev Nur-Sultandaǵy Ulttyq qoǵamdyq senim keńesi músheleriniń otyrysynan keiin tilshilerge bergen suhbatynda.
Sonymen birge, Qaliev bul moratoriidiń qarapaiym memlekettik qyzmetshilerge qatysty bolmaýy keregin, olardyń jalaqysyn kóterip, daryndy basshylar úshin syilyqtar men bonýstar júiesin qarastyrýdy aitty.
«Eger olar óz salalarynda aitarlyqtai ózgeristerge qol jetkize alsa, onda halyq bul talantty basshylardyń bonýstar alýyna qarsy bolmaidy, al eger eshteńeni iske asyra almasa, onda marapat pen bonýs berýdiń de jóni joq», - dedi ol.
Talǵat Qaliev halyqty Premer-ministrlerdiń de, ministrlerdiń de jeke basy alańdatpaýy kerek degen pikir bildirdi.
«Halyqqa ózin-ózi tanytýǵa, biznespen ainalysýǵa, eńbek etý quqyǵyn iske asyrýǵa barlyq jaǵdai jasalýy tiis, qolaily baǵalar men jalaqynyń qolaily deńgeii bolýy kerek», - dedi sarapshy.
