Qalamqas ken ornynda bolǵan apat saldarynan qorshaǵan ortaǵa 98,7 mln teńge kóleminde zalal kelgen. Oblystyq ekologiia departamentiniń mamandary osylai dep málimdedi, dep habarlaidy QazAqparat tilshsi.
Jospardan tys júrgizilgen tekseris nátijesinde 4 ákimshilik is qozǵalyp otyr. Iaǵni, Qylmystyq kodekstiń 327, 328, 332 jáne 337 baptary boiynsha kináliler jaýapkershilikke tartylady. Departament ekologiialyq retteý jáne baqylaý komitetine usynys joldaǵan. Endi ekologiialyq aýdit júrgizý mindettelmek. Aýdit boiynsha apattyq jaǵdailarǵa jol bermeý jaǵyn qarastyrý kózdelgen.
«Burǵylaý jumystaryn júrgizgen «Se Bý» JShS-ne mindetteme qoidyq. Iaǵni, olar maýsym aiyna deiin oqiǵa ornyndaǵy apat saldaryn joiyp, las topyraqty, sýdy tazalaý jumystaryn júrgizip, qalpyna keltirý jumystaryn aiaqtaýy tiis. Sonymen qatar, sot tártibimen biz bergen memlekettik saraptama qorytyndysy jáne ekologiialyq ruqsat qujattarynyń kúshin joiý jumystaryn qolǵa alyp jatyrmyz», - deidi Mańǵystaý oblystyq ekologiia departamenti basshysynyń mindetin atqarýshy Rýslan Tókenov.
