قالامقاس كەن ورنىندا بولعان اپات سالدارىنان قورشاعان ورتاعا 98,7 ملن تەڭگە كٶلەمٸندە زالال كەلگەن. وبلىستىق ەكولوگييا دەپارتامەنتٸنٸڭ ماماندارى وسىلاي دەپ مەلٸمدەدٸ, دەپ حابارلايدى قازاقپارات تٸلشسٸ.
جوسپاردان تىس جٷرگٸزٸلگەن تەكسەرٸس نەتيجەسٸندە 4 ەكٸمشٸلٸك ٸس قوزعالىپ وتىر. ياعني, قىلمىستىق كودەكستٸڭ 327, 328, 332 جەنە 337 باپتارى بويىنشا كٸنەلٸلەر جاۋاپكەرشٸلٸككە تارتىلادى. دەپارتامەنت ەكولوگييالىق رەتتەۋ جەنە باقىلاۋ كوميتەتٸنە ۇسىنىس جولداعان. ەندٸ ەكولوگييالىق اۋديت جٷرگٸزۋ مٸندەتتەلمەك. اۋديت بويىنشا اپاتتىق جاعدايلارعا جول بەرمەۋ جاعىن قاراستىرۋ كٶزدەلگەن.
«بۇرعىلاۋ جۇمىستارىن جٷرگٸزگەن «سە بۋ» جشس-نە مٸندەتتەمە قويدىق. ياعني, ولار ماۋسىم ايىنا دەيٸن وقيعا ورنىنداعى اپات سالدارىن جويىپ, لاس توپىراقتى, سۋدى تازالاۋ جۇمىستارىن جٷرگٸزٸپ, قالپىنا كەلتٸرۋ جۇمىستارىن اياقتاۋى تيٸس. سونىمەن قاتار, سوت تەرتٸبٸمەن بٸز بەرگەن مەملەكەتتٸك ساراپتاما قورىتىندىسى جەنە ەكولوگييالىق رۇقسات قۇجاتتارىنىڭ كٷشٸن جويۋ جۇمىستارىن قولعا الىپ جاتىرمىز», - دەيدٸ ماڭعىستاۋ وبلىستىق ەكولوگييا دەپارتامەنتٸ باسشىسىنىڭ مٸندەتٸن اتقارۋشى رۋسلان تٶكەنوۆ.
