Memlekettik qyzmetterdi kórsetý máseleleri jónindegi vedomstvoaralyq komissiianyń (VAK) kezekti otyrysynda qorǵanys jáne ishki ister salalaryndaǵy memlekettik qyzmetterdi kórsetý úderisin jeńildetý týraly usynystar talqylandy, dep habarlaidy "Ult aqparat" QR Tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmetine silteme jasap.
Bul Tsifrlyq Komissarlardyń qatysýymen ótken alǵashqy otyrys.
Otyrysta áskeri biletterdiń qaǵaz nusqasynan bas tartý, olardy tek soǵys jaǵdaiynda ǵana berý usynyldy. Qalǵan ýaqytta áskeri bilet jergilikti áskeri komissariatta saqtalady, al áskeri mindettiligi týraly habarlama " elektrondy úkimet" portalyndaǵy azamattardyń jeke kabinetine jiberiledi.
«Bul usynys júzege asyrylǵan jaǵdaida azamattardan áskeri bilettiń túpnusqasy talap etilmeidi jáne biýdjettik shyǵyndardy 100% únemdeýge múmkindik beredi. Qajetti derekterdiń bárin egov.kz. portaly arqyly Qorǵanys ministrliginiń aqparattyq júiesinen alýǵa bolady. Biz sondai-aq, azamattar turǵylyqty jerin aýystyrǵan kezde olardy áskeri esepke avtomatty túrde qoiýdy usynamyz. Tirkeý kezinde aqparat avtomatty túrde bizdiń derekqorymyzǵa túsedi de, biz birden áskeri esepke alamyz. Ol úshin azamattarǵa áskeri komissariatqa barýdyń qajeti joq. Jalpy, biz 16 memlekettik qyzmetti birden avtomattandyrýdy usynamyz, - dep atap ótti QR Qorǵanys ministriniń orynbasary Timýr Dándibaev.
Sonymen qatar, birqatar memlekettik kórsetiletin qyzmetterdi kompozittik tásilmen, iaǵni; bir ótinish – memlekettik qyzmetter kesheni; qaǵidaty boiynsha kórsetý usynyldy. Osylaisha, azamat ózin áskeri esepke qoiýdy ótingen kezinde oǵan avtomatty túrde; zapastaǵy ofitserlerge, serjanttarǵa, sarbazdarǵa áskeri bilet nemese olardyń telnusqasyn (áskeri bilettiń ornyna ýaqytsha kýálik) berý; memlekettik qyzmetin kórsetý týraly habarlama joldanady.
Sondai-aq, otyrys barysynda avtokólik quraldaryn tirkeý, kepildi tirkeý jáne júrgizýshi kýáligin berý salasyndaǵy memlekettik qyzmetterdi avtomattandyrýǵa qatysty máseleler talqylandy. Búgin bul qyzmetter portalda qoljetimdi, alaida atalǵan memlekettik qyzmetterdiń túrlerin kóbeitý, sol arqyly olardy alý tártibin jeńildetý usynyldy.
Bul biz úshin ózekti. Memleket basshysy bizdiń aldymyzǵa memlekettik qyzmetterdi avtomattandyrý jáne ońtailandyrý jóninde naqty mindetter qoidy. Búgin qaralǵan usynystar osy tapsyrmany iske asyrý sharalary bolyp tabylady. Tehnikalyq turǵydan biz buǵan daiynbyz, endi bizdiń ortaq mindetimiz barlyq biznes-protsesterdi birlesip pysyqtaý jáne osy baǵytta jumysty bastaý, - dep atap ótti QR Tsifrlyq damý, innovatsiialar jáne aeroǵarysh ónerkásibi ministriniń mindetin atqarýshy. Baǵdat Mýsin.
Sonymen qatar, otyrysta Tsifrlyq Komissarlar ishki ister organdary kórsetetin birqatar memlekettik qyzmetterdi alý protsesin jeńildetýdi usyndy. Bul boiynsha jaýapty organdarǵa olardy iske asyrý tapsyryldy.
