«Azamattarǵa arnalǵan úkimet» memlekettik korporatsiiasy kadr rezervin irikteýdiń alǵashqy kezeńin ótkizdi, dep habarlaidy "Ult aqparat".
«Azamattarǵa arnalǵan úkimet» memlekettik korporatsiiasy jobanyń bastalǵany jóninde 1 naýryzda jariialaǵan bolatyn. Niet bildirýshiler 12 kún ishinde saitta tirkelip, biliktiligi týraly qujattardy tapsyrýy qajet boldy. Nátijesinde kadr rezervine qatysýǵa 1650 qazaqstandyq ótinim berdi.
«Testileýdiń birinshi kezeńinen 1246 adam ótti, úmitkerler logikalyq testileýdiń 78 suraǵyna jaýap berdi. Kelesi kezeńge saýaldardyń 30% durys jaýap bergen 1067 úmitker jiberildi», - dedi memkorporatsiiadan.
Jobaǵa tirkelgenderdiń arasynda Nur-Sultan qalasy men Almaty oblysynyń turǵyndary basym (25% astam). Eń az ótinim Pavlodar oblysynan kelip túsken.
Daryndylar pýlyna qatysýshylardyń 8% astamynda 10 jyldan astam jumys ótili bar. Irikteýdiń birinshi kezeńinen ótken úmitkerlerdiń qorytyndy tizimi talent.gov4c.kz saitynda jariialanǵan.
Testileýdiń ekinshi kezeńinde úmitkerlerdiń Qazaqstan Respýblikasynyń zańnamasy boiynsha bilimi tekseriledi. Qatysýshylar QR Konstitýtsiiasy, «Memlekettik qyzmetter týraly», «Derbes derekter týraly», «Sybailas jemqorlyqqa qarsy is-qimyl týraly», «Jeke jáne zańdy tulǵalardyń ótinishteri týraly» jáne «Aktsionerlik qoǵamdar týraly» zańdar boiynsha 1,5 saǵat ishinde 90 suraqqa jaýap berýi qajet.
Testileýden keiin qorytyndy kezeńge ótken úmitkerler memlekettik jáne qoǵam qairatkerlerinen, HR-sarapshylarynan jáne memlekettik korporatsiianyń Basqarma múshelerinen quralǵan sarapshylyq keńes múshelerimen áńgimelesýden ótedi. Joǵary ball jinaǵan jáne áńgimelesý kezeńinen sátti ótken úmitkerler keiinnen tiisti bos laýazymdarǵa taǵaiyndaý úshin daryndylar pýlyna qabyldanady.
