26 qyrkúiek kúni jyl saiynǵy «Junior Eurovision» halyqaralyq án baiqaýy Ulttyq irikteýiniń finaly ótedi, dep habarlaidy "Ult aqparat".
«Habar» telearnasynyń tikelei efirinde 12 finalist elimizdiń tanymal kompozitorlarynyń arnaiy jazǵan avtorlyq ánderimen óner kórsetedi. Transliatsiianyń bastalý ýaqyty - 18.30.
Ulttyq irikteý jeńimpazy qazylar alqasynyń baǵalaý qorytyndysy jáne telekórermenderdiń SMS-daýys berý nátijeleri boiynsha anyqtalady.
Ulttyq irikteýdiń finalisteri:
1. Saipolda Islam, 11 jas, Nur-Sultan q.
2. Býrhanova Adiia, 12 jas, Almaty q.
3. Jumajan Aidana, 14 jas, Almaty q.
4. Manarbekqyzy Aqjibek, 14 jas, Nur-Sultan q.
5. Makim Jan, 11 jas, Almaty q.
6. Mýkitanova Aiym, 13 jas, Kókshetaý q.
7. Ǵazizqyzy Kamila, 13 jas, Nur-Sultan q.
8. Altynbekqyzy Saniia, 13 jas, Semei q.
9. Tursynova Mahinýr, 14 jas, Almaty q.
· Kýsanova Nurshat, 10 jas, Atyraý q.
· Tileýbek Áikerim, 13 jas, Nýr-Sýltan q.
· Bashanova Qaraqat, 12 jas, Almaty oblysy, Talǵar, Rysqulov aýyly.
Oryndalatyn ánderdi tanymal qazaqstandyq kompozitorlar Arman Dúisenov, Hamit Shanǵaliev, Baýyrjan Bimahan, Rýslan Shernizar, Erbol Nariman, Shyryn Bazarqulova, Edýard Berǵaliev jáne Áli Oqapov shyǵardy.
Ulttyq irikteýdiń qazylar alqasynyń quramyn «Qazaqkontsert» Memlekettik kontserttik uiymynyń direktory Jeńis Seidollauly, «Habar» telearnasynyń direktory Dinara Bisembina, ánshi-kompozitor Qairat Baekenov, Dimash Qudaibergenniń saýndprodiýseri Erlan Bekchýrin, T. Júrgenov atyndaǵy Qazaq ulttyq óner akademiiasynyń dekany, prodiýseri Baǵym Muhitdenova jáne halyqaralyq mýzykalyq baiqaýlardyń jeńimpazdary - Janar Duǵalova, Ámire, Dinaya jáne Mádi Syzdyqov tolyqtyrdy. Sondai-aq, Ulttyq irikteýge arnaiy shaqyrylǵan ádil-qazy múshesi - belgili kompozitor, prodiýser, «Eurovision Song Contest» án baiqaýyndaǵy Ázirbaijan delegatsiiasynyń jetekshisi Isa Melikov te qatysty.
