Jah Khalib "Vechernii Ýrgant" baǵdarlamasynyń qonaǵy boldy, onda ánshi qazaqstandyq mýzykanttardyń tabysqa jetý qupiiasyn aitty, - dep habarlaidy Tengrinews.kz.
Baǵdarlamada ol Máskeýdegi alǵashqy kontserti týraly aitty jáne Resei astanasynan úirengenin bólisti.
"Máskeý meni tárbieledi. Bizde Qazaqstanda beiresmi bir dástúr bar, biz keshikkendi emes, asyqpaýdy jaqsy kóremiz. Bizde qandai da bir is-shara, úilený toiy bastaldy delik. Barlyǵy 5-ke shaqyrylsa, avtomat túrde 6-da keledi. Barlyǵynda solai, kezdesýlerde de... Basynda Máskeýde bárin ýaqytynda jasaý kerek ekenine úirene almadym. Esimde, Máskeýge alǵashqy kontsertke keldik, bizge 8-de shyǵatynymyzdy aitty, biz onda 8.30-da dedik. Olar joq - 8.00-de dedi. Sodan beri tárbielene bastadym. Qazir men óte jinaqy adammyn", - dedi oryndaýshy.
"Bir suhbatyńyzda siz buryn eń myqty mýzykanttar Ýkrainadan shyqqan, al qazir qazaqstandyq mýzykanttardyń ýaqyty keldi dep aittyńyz", - dedi Ivan Ýrgant.
"Bul - shyndyq. Iá, bizde kúldirgiler, óner adamdary, rejisserler de keremet. Barlyǵy jańa nárse jasaidy, óner baǵytynda jańa nárse jasaýǵa tyrysady. Bul biz kópultty el bolǵandyqtan shyǵar, qatelespesem 122 ult ókili turady. Soǵys kezinde de kóp adam bizdiń jerimizge qonys aýdaryldy. Meniń oiymsha, osy "kokteil" nemese ártúrli ult pen mentalitettiń qosyndysy keremet jemisin berdi", - deidi mýzykant.
