Izrail (Foto: Ilia Efimovich / dpa / Global Look Press)
Gaza sektoryn baqylaityn HAMAS toby 7 qazan tańerteńnen beri Izraildi jappai atqylap jatyr. Keminde 15 adam jaraqat alǵan, bir áiel opat bolǵan. Milliondaǵan adamǵa bombadan qorǵaityn oryndardan ketpeýge keńes berilgen. HAMAS músheleri shekaradaǵy Izrail qalalaryna kirgen. Izrail qorǵanys armiiasy keiingi 50 jylda alǵash ret soǵys jaǵdaiyn jariialady, dep habarlaidy Azattyq.
HAMAS jetekshisiniń sózinshe, Izrail aýmaǵyna 5 myńnan astam raketa jiberilgen. Nátijesinde Izraildiń Gderot qalasyna raketa túsip, 60 jastaǵy áiel qaza bolǵan. Jaraqattanǵan 15 adamnyń ekeýi aýyr jaraqat alǵan.
Kýseif eldi mekeniniń biligi atqylaýdyń saldarynan tórt adam mert bolǵanyn, birneshe adam jaralanǵanyn aitty.
Izraildiń kóptegen qalasynda dabyl iske qosylǵan, Tel-Avivtegi ǵimarattarǵa raketa túskeni habarlandy.
Izrail armiiasy Gazamen shekaradaǵy Sderotqa HAMAS músheleri kirgenin habarlady. Áleýmettik jelide jariialanǵan videolarǵa qaraǵanda, qalada atys júrip jatyr. Kei málimet boiynsha, 7 adam qaza bolǵan: olardy avtobýs aialdamasynda atyp ketken.
HAMAS toby Izrailge qarsy jańa operatsiia bastaǵanyn jariialady. Top ókilderi oǵan "Izraildiń Ierýsalimdegi ál-Aqsa meshitin qorlaýy" túrtki bolǵan.
Izrail armiiasy "soǵysqa daiyndyq jaǵdaiyn" jariialady. Izrail qorǵanys ministri Ioav Gallant zapastaǵy qyzmetkerlerdi armiiaǵa shaqyrýdy qoldap, Gaza sektorynan 80 shaqyrym aýmaqta tótenshe jaǵdai jariialady. Oǵan Tel-Aviv ta kiredi.
