Izraildiń ortalyq bóliginen myńdaǵan jyl boiy saz ydysta saqtalǵan júzdegen altyn tiyn tabyldy, dep habarlaidy Reuters agenttigi.
Tarihi eskertkishter basqarmasynyń aitýynsha, 425 altyn monetany 18 tamyzda Izraildiń ortalyq bóligindegi qazba jumystaryna qatysyp jatqan jasóspirimder taýyp alǵan. Qazyna jańa aýdandaǵy qurylys aýmaǵynan tabylǵan.
Qazba jumystarynyń jetekshisi Liat Nadav-Zivtiń aitýynsha, 1100 jyl buryn kóne monetany tyqqan adam ony alyp ketý úshin oralamyn dep oilap, tiyndar qozǵalmas úshin ydysty shegemen bekitip ketken. Oǵan qazynasyn áketýge ne kedergi bolǵany bizge belgisiz.
Habarlamada monetalar tabylǵan aýmaqta sheberhanalar bolǵany aitylǵan.
Tarihi eskertkishter basqarmasynyń monetalar boiynsha sarapshysy Robert Kýldiń aitýynsha, tabylǵan 24 karattyq tiyndar 9 ǵasyrda Baǵdad halifatyn Abbasidter dinastiiasy basqarǵan kezge jatady.
Bul monetalarǵa adam sol kezdegi Egipettiń astanasy – Fýstattyń eń ádemi aýdanynan úlken sarai satyp alatyn edi.
