Izrail Syrtqy ister ministrligindegiler 27 jeltoqsanda Almaty mańynda bolǵan ushaq apatyna bailanysty kóńil aitty, dep habarlaidy cursorinfo.co.il saity.
«Izrail memleketi Qazaqstan halqyna Almaty qalasynyń mańynda Bek Air Flight Z92100 ushaǵynyń apatqa ushyraýyna bailanysty qaiǵyryp, kóńil aitady. Zardap shekkenderdiń jyldam saýyǵyp ketýin tileimiz», - dep jazdy óziniń Twitter-degi paraqshasynda Izrail Syrtqy ister ministrliginiń spikeri Lior Haiat.
«Aita keteiik, Qazaqstanda 27 jeltoqsan kúni azańda ushaq apatqa ushyrap, sonyń saldarynan 12 adam mert boldy. Apattan mert bolǵandardyń ishinde 2 Ýkraina azamaty, Qytai, Qyrǵyzstan men Qazaqstannyń azamattary bolǵan. Apattyń saldarynan 60-qa jýyq adam zardap shekti. Qazaqstanda aza tutý kúni jariialandy»,-delingen habarlamada.
Aita keteiik, 27 jeltoqsan kúni Almatydan Nur-Sultan qalasyna ushyp shyqqan ushaq radardan joǵalyp ketti .
Keiin 93 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty .
Qaiǵyly oqiǵaǵa bailanysty el prezidenti Qasym-Jomart Toqaev apattan qaitys bolǵandardyń jaqyndary men týystaryna kóńil aitty.
