Túrkistan oblysynda ornalasqan kún elektr stansasy – elimizdegi kún energetikasy sektoryndaǵy «Eni» halyqaralyq energetikalyq kompaniiasynyń alǵashqy iri investitsiiasy, dep habarlaidy "Ult aqparat" óńir basshysynyń baspasóz qyzmetine silteme jasap.
Investitsiialyq jobanyń jalpy quny 12 mlrd teńgeni quraidy. Otyrar aýdanyndaǵy Sháýildir aýylynyń mańynda qýattylyǵy 50 MVt kún elektr stansasynyń qurylysy boiynsha jumystar bastaldy. Saltanatty rásimge Italiiadan arnaiy kelgen delegatsiia men Túrkistan oblysy ákiminiń orynbasary Meiirjan Myrzaliev qatysty.
«Energiianyń balamaly túrlerin damytýǵa, kún men jel energiiasyn paidalanatyn tehnologiialardy belsendi engizý úshin barlyq múmkindik bar.
Osy oraida, elektr energiiasy kózderin qaita jańǵyrtý – oblys ekonomikasynyń basym baǵyttarynyń biri. Túrkistan oblysynda 320 MVt elektr qýatynyń jetispeýshiligi baiqalady. Sondyqtan, oblystaǵy qajettilikti qanaǵattandyrý úshin búginde, kún jáne sý elektr stantsiialaryn salý boiynsha 10 investitsiialyq jobalar iske asyrylǵan», – dedi oblys ákiminiń orynbasary.
«Eni» halyqaralyq kompaniiasy jergilikti enshiles «Arm Wind» JShS arqyly salyp jatqan elektr stansasy 100 gektar aýmaqty alyp jatyr. Munda 100 myńnan astam fotoelektrli panelder, qosalqy stantsiia men uzyndyǵy 8 shaqyrym bolatyn áýe elektr berý jelisi salynatyn bolady. Elimizdegi kún energetikasy salasyndaǵy «Eni» tarapynan qolǵa alynǵan alǵashqy iri investitsiialyq jobasy elektr energiiasyn biylǵy jyldyń 4-toqsanynda beredi. 2022 jyldyń basynda tolyq aiaqtalyp, eldiń energetikalyq sektoryn birtindep dekarbonizatsiialaýǵa, iaǵni kómirqyshqyl gazyn azaitýǵa óz úlesin qosady. Kún elektr stansasynyń eń bir tiimdiligi – aýany lastamaidy, ekologiialyq tiimdi.
Túrkistan oblysynda «ArmWind» JShS, «Hevel Kazahstan» JShS, «KZT Solar» JShS siiaqty 9 iri kún elektr stantsiiasy jáne 6 sý elektr stantsiialarynyń qurylysy júrgizilýde. Biyl Túrkistan oblysynda 52 mlrd teńgege 120 MVt kún sáýlesinen shyǵatyn stantsiialardy salý josparlanǵan.
