Italiiada COVID-19 saldarynan tynys alý organynan aiyrylǵan 18 jastaǵy jigittiń ókpesi aýystyryldy, dep habarlaidy ANSA.
Bul – Eýropada jasalǵan osyndai alǵashqy ota. Operatsiia Milandaǵy aýrýhanada jasaldy.
Franchesko esimdi jigitte 2 naýryzda koronavirýs infektsiiasynyń belgileri paida bolǵan, 6 naýryzda ol Milandaǵy San-Raffaele aýrýhanasynyń jansaqtaý bólimine jatqyzyldy. 23 naýryzda jasandy qan ainalymy qurylǵysyna qosyldy.
Soǵan qaramastan, koronavirýs infektsiiasynyń aýyr túrine shaldyqqandyqtan onyń ókpesi istemei qaldy. Sáýirdiń ortasynda San-Raffaele dárigerleri naýqastyń ókpesin aýystyrý týraly sheshim qabyldady.
Buǵan deiin osyndai operatsiia tek Qytaida jasalyp kelgen. Biraq, Milandaǵy ókpe transplantatsiiasynan keiin birneshe kún ótken soń mundai ota Venada da jasaldy.
Memlekettik ýniversitettiń kókirek qýysy hirýrgiiasy mektebiniń basshysy Mario Nozottidiń aitýynsha, operatsiia kúrdeli bolǵan. Endi jas jigit uzaq ýaqyt ońaltýdan ótedi.
