Italiiada koronavirýsqa qarsy vaktsina adamdarǵa egilip, synaqtan ótkizilýde, dep habarlaidy ANSA agenttigi.
Italiiada alǵash ret erikti áielge Rim qalasynyń infektsiialyq aýrýhanasynda koronavirýsqa qarsy ekpe egildi.
Erikti áiel qaýipti virýsqa qarsy vaktsina alǵan eldegi alǵashqy adam ekendigine maqtanatyndyǵyn jetkizgen.
Vaktsinany Italiianyń biotehnologiialyq firmasy shyǵarǵan.
«Búgin zertteýdiń jańa tarihi kezeńi bastaldy jáne bul jobanyń ilgerleýine memleket qarjylai kómek kórsetti», - dedi Latsio gýbernatory Nikola Zingaretti.
Zertteý ótkizilip jatqan infektsiialyq aýrýhananyń dárigerleri vaktsina kelesi jyldyń kókteminde paidalanýǵa daiyn bolady deidi.
Al Italiianyń Densaýlyq saqtaý ministri Roberto Sperants ǵalymdar alǵa qoiylǵan mindetti oryndai aldy degen pikir bildirdi.
Eske salsaq, maýsym aiynda Niderlandy, Italiia, Germaniia jáne Frantsiia koronavirýstan vaktsina jasaý úshin alians qurdy.
