Italiia bir táýlikte koronavirýstan qaitys bolǵandar sany boiynsha kósh bastap otyr. Osy ýaqytqa deiin elde 368 adam ómirden ozǵan. Azamattyq qorǵanys málimetinshe, epidemiia bastalǵan ýaqyttan beri 1809 adam Covid-19 qurbany bolǵan. Aýrý juqtyrǵandar sany 24740 adamǵa jetti, dep habarlaidy Euronews agenttigi.
Eń qatty zardap shekken óńirler – Lombardiia men onyń astanasy Milan. Jergilikti densaýlyq saqtaý salasyndaǵy jaǵdai Italiia biligin ǵana emes, búkil Eýropany alańdatyp otyr.
Lombardiiadaǵy intensivti terapiia bóliminde 800 adam jatyr, jatyn oryn múldem jetispeidi. Milan jármeńkesindegi eki pavilon aýmaǵynan 500 oryndyq ýaqytsha aýrýhana salý jobada bar.
Basqa qalalarda, sonyń ishinde Rimde tótenshe jaǵdaidy retke keltirý úshin jansaqtaý jáne intensivti terapiia bólimderi shuǵyl qurylyp jatyr.
