Sýret: gov.kz
Bas prokýratýra qarjy piramidasyn qurǵany úshin taǵy bir kúdiktini Ispaniiadan ekstraditsiialady, - dep habarlaidy "Ult aqparat" vedomstvonyń baspasóz qyzmetine silteme jasap.
"Búgin QR Bas prokýratýrasy jáne IIM Interpol qyzmetkerleri Syrtqy ister ministrliginiń kómegimen qylmystyq jaýapkershilikke tartý úshin Ispaniia Koroldiginen qarjy piramidasynyń qyzmetine bailanysty transulttyq uiymdasqan topqa qatysqany úshin kúdiktini ekstraditsiialady" - delingen habarlamada.
Ol 2016-2017 jyldar aralyǵynda zańsyz materialdyq paida kórý maqsatynda basqa elderdegi adamdar tobymen «Questra Holding» kompaniiasyn qurdy degen kúdikke ilingen.
Qylmyskerler qarjy piramidasyn ár túrli elderdiń aýmaǵynda kedergisiz taratý maqsatynda internet jelilerde salymshylardy kóbirek tartý úshin kompaniianyń oidan shyǵarylǵan investitsiialyq portfelderin satý týraly aqparat ornalastyrylǵan veb-saittar ashqan.
Bul top 800-den astam azamatty aldap, 1 milliard teńgeden astam shyǵyn keltirgen.
Atalǵan fakti boiynsha sotqa deiingi tergep-tekserý bastalyp, kúdiktiler halyqaralyq izdestirýge jariialanǵan.
"2022 jyldyń jeltoqsanynda Bas prokýratýranyń ekstraditsiialyq suraýy boiynsha izdeýdegilerdiń biri Ispaniia aýmaǵynda ustaldy.
Qazir ol Astanadaǵy tergeý izoliatoryna qamaldy.
Atalǵan qylmysty jasaǵany úshin múlkin tárkilep, 10 jyldan 15 jylǵa deiingi merzimge bas bostandyǵynan aiyrý túrindegi jaza qarastyrylǵan.
Ustalǵandy ekstraditsiialaý Qazaqstan Respýblikasy men Ispaniia Koroldigi arasyndaǵy ustap berý týraly 2012 jylǵy 21 qarashadaǵy sharttyń bolýyna bailanysty múmkin boldy" - delingen habarlamada.
