Ispaniiadaǵy San-Sebastian qalasynda ótip jatqan halyqaralyq festivalda frantsiialyq rejisser, stsenariishi jáne akter Ejen Grin meditsinalyq maska taǵýdan bas tartqany úshin akkreditatsiiadan aiyrylyp, baiqaýdan shyǵaryldy. Bul týraly EFE agenttigi.
Uiymdastyrýshylardyń aitýynsha, filmin kórsetý kezinde rejisserdiń maska taǵý bes ret suraldy, biraq Grin bas tartqan. Aqyry frantsiialyq rejisser zaldan qýyldy. Basylym málimetinshe, jergilikti quqyq qorǵaý organdary akterdi oǵan shaǵym túsiriletini jaiynda eskertken.
28 tamyzda Parij biligi qala turǵyndaryn kóshede júrgende maska taǵýdy mindettegen bolatyn. Al 26 tamyzda mundai sheshimdi Marsel biligi de qabyldady. Kóshede nemese dúkende maskasyz júrgenderge 135 eýro kóleminde aiyppul salynady. Erejeler qaita buzylsa, aiyppul somasy 1,5 myń eýroǵa deiin kóbeiýi múmkin.
