Ispan biligi koronavirýspen kúres boiynsha sharalardy kúsheitý aiasynda sheteldikter úshin qurlyqtaǵy shekarasyn jabady, dep habarlaidy Euronews.
Bul shekteý tek Ispaniia azamattary, turýǵa yqtiiarhaty bar tulǵalar, sheteldik diplomattar, sondai-aq elge kirýge májbúr ekenin dáleldeitin jaǵdaiy bolǵanda qoldanylmaidy.
17 naýryz kúni túnnen bastap jáne joǵary dabyl rejimi aiaqtalǵanǵa deiin ispan azamattaryn, eldiń rezidentterin jáne ispan aýmaǵynda jumys isteitin shekara mańyndaǵy aýdandardyń turǵyndaryn qospaǵanda, barlyq shekaralar jabyq bolady.
Ispan astanasynda virýs juqtyrǵan 9000 adamnyń 300-den astamy qaitys bolǵan.
Koronavirýstyń jańa túri katalondyq jeneralitettiń basshysy Kim Toradan tabylǵany belgili boldy. Saiasatker Barselonadaǵy rezidentsiiasynda karantinde jatyp, jumysy jalǵastyra beredi.
Keshe koronavirýs Toranyń orynbasary Pere Aragonesten anyqtaldy. Buǵan deiin birneshe ispan saiasatkerinen koronavirýs tabylǵan bolatyn. Onyń ishinde úkimettiń eki ministri, ispan premeriniń jubaiy bar.
Qazirgi jaǵdaida Ispaniia – álem boiynsha koronavirýs juqtyrý jaǵdaiy kóp tirkelgen Qytai, Italiia men Irannan keiingi tórtinshi memleket.
