Elordada ótip jatqan XII Kazenergy Eýraziialyq forýmynda Islandiianyń burynǵy prezidenti Oýlaviýr Ragnar Grimsson HHI ǵasyrdyń negizgi energetikalyq syn-qaterlerdi atady, dep habarlaidy QazAqparat tilshisi.
«Biz HHI ǵasyrdyń negizgi energetikalyq syn-qaterlermen betpe-bet kelýimiz qajet. Bular óte aiqyn eki faktimen baiqalady. Birinshisi – adamzat tarihynda biz alǵash ret jer jahan turǵyndarynyń jarysynan kóbi qalada ómir súretin ýaqytta tirlishik etip jatyrmyz. Shamamen 20 jyldyń ishinde álem turǵyndarynyń úshten ekisi Aziia, Afrika jáne Amerikanyń megapolis qalalarynda turatyn bolady», - dedi ol.
Mártebeli meiman ekinshi fakti retinde álemde óndiriletin energiianyń 40-50 paiyzy qalalardy jylytý men salqyndatýǵa, al 20 paiyzy kólik túrlerine jumsalatynyn aitty. Sondyqtan álem halqynyń úshten ekisi ómir súretin qalalardy jylytý ári salqyndatý máselesi 21 ǵasyrdaǵy energiia tutynýǵa qatysty eń úlken syn-qater bolmaq.
«Ókinishke qarai energetika salasyndaǵy qazirgi talqylaýlar men pikirtalastar aiasynda osynaý negizgi syn-qater kúntártibine shyǵarylmai otyr. Eger buǵan barynsha jaýapkershilikpen qarap, jahandyq qorshaǵan ortany saqtap qalý úshin bul mindetti tiimdi sheshimder tabatyn bolsaq, jetistikke jeter edik. Áitpese, ósip kele jatqan býyn úlken problemaǵa dýshar bolady. Dúniejúzilik densaýlyq saqtaý uiymy da sońǵy jylda 7 mln adamnyń álemdegi shyǵaryndylar saldarynan qalalardyń lastanýy sebepti ólgendigin atap ótken edi. Bul da atalǵan syn-qaterdi jedel sheshý qajettigin aiqyn kórsetedi», - dedi Islandiianyń burynǵy prezidenti.
