QR qarjy ministriniń buiryǵymen Erjan Tilekuly Myńjasarov QR Qarjy ministrliginiń Ishki memlekettik aýdit komitetiniń tóraǵasy qyzmetine taǵaiyndaldy. Bul týraly QR Premer-Ministriniń baspasóz qyzmeti habarlady.
Erjan Myńjasarov 1971 jyly Túrkistan oblysynda dúniege kelgen.
Semei et jáne sút ónerkásibi tehnologiialyq institýtyn, Qazaq memlekettik zań akademiiasyn bitirgen.
Eńbek jolyn 1989 jyly slesar-jóndeýshi bolyp bastaǵan. 1993 jyldan bastap 1999 jylǵa deiin jeke uiymdarda jumys istedi.
2000-2003 jyldary memlekettik nesielerdiń maqsatty paidalanylýyn baqylaý bóliminiń jetekshi baqylaýshy – tekserýshisiniń m. a., Memlekettik syrtqy qaryzdar men nesielerdiń maqsatty paidalanylýyn baqylaý basqarmasynyń memlekettik nesielerdiń maqsatty paidalanylýyn baqylaý bóliminiń basshysy, Úilestirý jáne uiymdastyrý jumysy basqarmasynyń uiymdastyrý jumysy bóliminiń basshysy, Uiymdastyrý jáne kadr jumysy basqarmasynyń ishki baqylaý bóliminiń basshysy bolyp jumys istedi.
2003-2008 jyldary — QR QM Qarjylyq baqylaý jáne memlekettik satyp alý komitetiniń Uiymdastyrý jáne kadr jumysy basqarmasynyń uiymdastyrý jumysy bóliminiń basshysy.
2008-2009 jyldary QR QM Qarjylyq baqylaý jáne memlekettik satyp alý komitetiniń №2 Baqylaý basqarmasynyń basshysy bolyp jumys istedi.
2009-2010 jyldary – QR QM Qarjylyq baqylaý komiteti №2 respýblikalyq biýdjettiń atqarylýyn baqylaý basqarmasynyń basshysy.
2010-2012 jyldary — QR QM Qarjylyq baqylaý komiteti tóraǵasynyń orynbasary.
2012-2016 jyldary — QR QM Qarjylyq baqylaý komitetiniń Almaty qalasy boiynsha Qarjylyq baqylaý inspektsiiasynyń basshysy.
2016-2020 jyldary QR QM Ishki memlekettik aýdit komitetiniń Almaty qalasy boiynsha Ishki memlekettik aýdit departamentiniń basshysy laýazymyn atqarǵan.
2020 jylǵy sáýirden bastap qazirgi ýaqytqa deiin QR QM Ishki memlekettik aýdit komiteti tóraǵasynyń orynbasary bolyp jumys istedi.
