Foto: Polisia.kz
Ishki ister ministrligi terrorizm aktisi týraly jalǵan habarlama taratqandar jaýapkershilikke tartylatynyn eske saldy, dep habarlady Polisia.kz.
"Mundai áreketter úshin Qazaqstan Respýblikasynyń Qylmystyq kodeksiniń 273-babyna sáikes jaýapkershilik kózdelgen", - dep jazylǵan habarlamada.
Vedomstvonyń málimetinshe jarylǵysh zat qoiý nemese qoǵamdyq qaýipsizdikke ózge de qaýipter týraly jalǵan aqparatty bailanys quraldary, internet-resýrstar, messendjerler men áleýmettik jeliler arqyly taratý faktileri tirkelip jatyr. Mundai áreketter ázil, qaljyń retinde jasalsa da, bular qylmystyq quqyq buzýshylyq retinde baǵalanady.
Terrorizm aktisi týraly kórineý jalǵan habarlamalar qoǵamdyq qaýipsizdikke qaýip tóndirip, jappai evakýatsiialarǵa, memlekettik organdardyń, bilim berý, meditsinalyq jáne basqa da áleýmettik nysandardyń jumysynyń toqtaýyna ákeledi, sondai-aq shuǵyl qyzmetterdiń eleýli kúshteri men quraldaryn alańdatady.
Bul qylmysty jasaǵany úshin QR zańnamasyna sáikes bas bostandyǵynan aiyrýǵa deiingi jaza qarastyrylǵan. Osyndai barlyq habarlama mindetti túrde tekseriledi, al olardy taratqan tulǵalar zamanaýi tsifrlyq jáne tehnikalyq quraldardy qoldaný arqyly anyqtalady.
Politsiia azamattardy:
tekserilmegen aqparatty taratpaýǵa;
jalǵan shaqyrýlar men habarlamalar jasamaýǵa,
balalarǵa terrorizm aktisi týraly jalǵan habarlamalar úshin jaýapkershilik bar ekenin túsindirýge,
qaýip-qateri bar habarlamalar alǵan jaǵdaida dereý politsiiaǵa habarlaýǵa shaqyrdy.
