QR Ishki ister ministrligi avtokólikti tirkeý boiynsha memlekettik qyzmetti usynýdaǵy tsifrlyq jańashyldyqtar týraly málimdedi, dep habarlaidy QazAqparat.
«Ishki ister ministrligi joldaǵy kólik qozǵalysy salasyndaǵy tsifrlandyrýǵa erekshe ekpin qoiyp otyr. Onyń ishinde memlekettik qyzmetter sapasyn kóterý men qoljetimdigin arttyrý baǵyty airyqsha nazarda tur», - dedi Ishki ister ministrliginiń ókili Shuǵyla Turlybek onlain brifingide.
Onyń aitýynsha, kólik quraldaryn tirkeý (jyl saiyn 2,5 million) jáne júrgizýshi kýáligin alý (jyl saiyn 1 million) halyq arasynda eń tanymal qyzmetter.
IIM qarjy institýttarymen birlesip eń tanymal memlekettik qyzmetterdiń biri – avtokólikti satý jáne qaita tirkeý Halyk Bank jáne Kaspi.kz mobildi qosymshalaryna shyǵaryldy.
Qazirgi kezde eldegi barlyq qaita tirkeýlerdiń tórtten bir bóligi osy banktik qosymshalar arqyly ótedi (kún saiyn 2,7 myńnan astam).
Belgili bolǵandai, QR IIM bul qyzmetti taǵy eki qarjy uiymynyń (Eýraziialyq bank jáne Fridom finans) mobildi qosymshasyna shyǵarady. Bul qyzmet sondai-aq 102 mobildi qosymshada iske asyrylatyn bolady.
«Endi satýshylar men satyp alýshylarǵa avtokólikti satý/satyp alý kezinde mamandandyrylǵan Halyqqa qyzmet kórsetý ortalyǵyna barýdyń qajeti joq – barlyq rásim banktik qosymshada onlain qoljetimdi», - dedi Sh. Turlybek.
Jańa qyzmetti paidalana otyryp, avtomobildi satýshy men satyp alýshy Halyk Homebank qosymshasynda satýǵa/satyp alýǵa, aiyppuldar men salyqtardy tóleýge, avtokólikti qaita rásimdeý boiynsha barlyq qajetti qujattarǵa qol qoiýǵa, mámileni rastaityn qujattardy alýǵa, sondai-aq jańa nómirdi alýǵa nemese avtomobildiń burynǵy memlekettik nómirin saqtaýǵa bolady.
Sondai-aq, qosymshada aiyppuldardy tóleý, qujattandyrý qyzmetterin tóleý (tólqujat/jeke kýálikti alý/aýystyrý) jáne basqa da kóptegen fýnktsiialar bar.
