Erlan Turǵymbaev Ishki ister ministri qyzmetinen ketti, - dep habarlaidy "Ult aqparat" Aqorda saityna silteme jasap.
"Memleket basshysynyń Jarlyǵy boiynsha Erlan Zamanbekuly Turǵymbaev Qazaqstan Respýblikasynyń Ishki ister ministri laýazymynan bosatyldy", - delingen jarlyqta.
Erlan Zamanbekuly 1962 jyly 14 tamyzda Almaty qalasynda dúniege kelgen. Bilimi boiynsha - zańger, ishki ister organdaryndaǵy qyzmetin 1984 jyly bastaǵan.
Qaraǵandy oblysy Saran qalalyq atqarý komitetiniń Ishki ister bólimi QI bólimshesiniń jedel ýákili bolyp jumys istedi.
1986 jyl men 2002 jyldyń aralyǵynda Alataý jáne Kalinin AIIB-nyń tergeý-jedel bólinisterinde, sondai-aq Almaty qalasynyń QIID-de ártúrli basqarýshy laýazymdardy atqarǵan.
2002 jyldyń aqpany men qyrkúiegi aralyǵynda - Qazaqstan Respýblikasy Ishki ister ministrligi Toǵyzynshy departamentiniń bastyǵy.
2002 jyldyń qyrkúiegi men 2003 jyldyń sáýiri aralyǵynda - Qazaqstan Respýblikasy IIM Qylmystyq politsiia departamentiniń bastyǵy.
2003 jyldyń sáýiri men 2006 jyldyń mamyry aralyǵynda - Soltústik Qazaqstan oblysy Ishki ister departamentiniń bólim bastyǵy, bastyǵy.
2006 jyldyń mamyry men 2006 jyldyń shildesi aralyǵynda - Qazaqstan Respýblikasy IIM Tergeý komitetiniń bastyǵy.
2006 jyldyń shildesi men 2012 jyldyń jeltoqsany aralyǵynda - Almaty qalasy Ishki ister departamentiniń bastyǵy.
2012 jyldyń jeltoqsannan bastap - Qazaqstan Respýblikasy Ishki ister ministriniń orynbasary bolǵan.
2019 jyldyń 12 aqpanynda QR Ishki ister ministri qyzmetine taǵaiyndaldy.
II dárejeli «Aibyn» ordenimen, I dárejeli «Qaisar» belgisimen, II dárejeli «Dańq» ordenimen, sondai-aq IIM-niń jáne IID-niń qurmet gramotalarymen marapattalǵan.
