Prezidentke qylmys deńgeiiniń aitarlyqtai tómendegeni týraly baiandaldy. Marat Ahmetjanovtyń aitýynsha, qaraqshylyq, bopsalaý jáne mal urlyǵy faktileri azaiǵan. Qoǵamdyq oryndar men kóshelerdegi qaýipsizdik deńgeii kóterilgen.
Ministrlik politsiia tergeýiniń videoformatyn engizý máselesin pysyqtap jatyr. Sondai-aq, qylmystyq protsesti tsifrlandyrý isi jalǵasyp jatyr. Búginde barlyq qylmystyq quqyqbuzýshylyqtyń 81,7 paiyzy elektron formatta tergeledi.
Qylmystyq protsestiń úsh býyndy modelin iske asyrý aiasynda asa aýyr sanattaǵy 928 isti tergep-tekserý jumystary aiaqtalyp, sotqa joldanǵan. Mysaly, elordalyq politsei kompaniialardyń biriniń direktoryna qatysty qylmystyq isti sotqa joldady. Ol Norvegiia Koroldigine jumysqa ornalastyramyn degen jeleýmen Qazaqstannyń 123 azamatyn aldap, 149 million teńgeden astam kólemde zalal keltirgen. Kúdikti kináli dep tanylyp, 7 jylǵa bas bostandyǵynan aiyrylǵan.
Sonymen qatar, segiz uiymdasqan qylmystyq toptyń qyzmeti toqtatylǵan. Uiymdasqan qylmystyq top qurý jáne ony basqarýǵa qatysty 16 qylmystyq is tergelip jatyr.
Esirtki qylmysyna qarsy kúres aiasynda jyl basynan beri 1354 qylmys anyqtalǵan. "Qara naryqtaǵy" quny shamamen 4,5 milliard teńge bolatyn zańsyz ainalymdaǵy 3,5 tonna esirtki tárkilengen.
Ministr Memleket basshysyna qoǵamdyq qaýipsizdikti halyqpen birlesip qamtamasyz etý jónindegi tujyrymdamanyń negizgi erejeleri týraly málimdedi.
Kezdesý sońynda Qasym-Jomart Toqaev ishki ister organdaryn tsifrlandyrý, jol apattarynyń aldyn alý jumystaryn jandandyrý mańyzdy ekenin atap ótti. Prezident elimizdegi qaýipsizdik pen quqyqtyq tártipti odan ári qamtamasyz etý jóninde birqatar mindet júktedi.
