Foto: gov.kz
Erjan Sádenov Ishki ister ministri bolyp taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysynyń Jarlyǵymen Erjan Saparbekuly Sádenov Qazaqstan Respýblikasynyń Ishki ister ministri laýazymyna taǵaiyndaldy", - delingen habarlamada.
Politsiia general-maiory Erjan Sádenov 1968 jyly Shyǵys Qazaqstan oblysy, Kúrshim aýdany, Quiǵan aýylynda dúniege kelgen.
1993 jyly S. Amanjolov atyndaǵy Shyǵys Qazaqstan memlekettik ýniversitetin, 1998 jyly QR UQK Qaraǵandy joǵary mektebin támamdaǵan.
Qyzmet jolyn 1993 jyly Shyǵys Qazaqstan oblysy IIB aýdanaralyq jedel-izdestirý bóliminiń jedel ýákili laýazymynan bastaǵan.
Ár jyldary ShQO-da ishki ister salasynda basshylyq qyzmette bolǵan, odan bólek Óskemen qalasy IIB-niń bastyǵy, Mańǵystaý oblysy IID bastyǵynyń birinshi orynbasary, IIM "R" departamentiniń bastyǵy, kóliktegi IID bastyǵy, Aqmola oblysy jáne elordanyń politsiia departamentiniń bastyǵy syndy laýazymdy qyzmetter atqarǵan.
Bul rette, Memleket basshysynyń Jarlyǵymen Marat Muratuly Ahmetjanov Qazaqstan Respýblikasynyń Ishki ister ministri laýazymynan bosatyldy.
