Shyǵys Qazaqstan oblysy Mádeniet basqarmasynyń basshysy memlekettik qyzmettiń bedeline nuqsan keltirgeni úshin jumystan qýyldy, dep habarlaidy "Ult aqparat".
Naýryz aiynyń sońynda áleýmettik jelilerde ShQO Mádeniet basqarmasynyń basshysy Miras Jumagulovtyń Óskemendegi karaoke-barlardyń birinde ishimdik iship alyp, boijetkenge til tigizgeni týraly aqparat tarap ketti. Oblystyq Politsiia departamenti atalǵan faktini rastaǵan bolatyn.
«30 naýryzda saǵat 05:00 shamasynda qoǵamdyq orynda mas kúide ózge adamnyń qadir-qasieti men ar-namysyna nuqsan keltirgeni úshin ol QR ÁQBtK-niń 440-baby 1-bóligine sáikes jaýapqa tartyldy», - delingen málimette.
Sondai-aq atalǵan faktige orai Memlekettik qyzmet isteri agenttiginiń Shyǵys Qazaqstan oblysy boiynsha departamenti tekserý júrgizdi. Ádep jónindegi keńeste Mádeniet basqarmasynyń basshysyna qatysty tártiptik is qaralyp, keńes músheleri ony jumystan shyǵarý týraly oblys ákimine usynys jasady.
13 sáýir kúni aimaq basshysy Danial Ahmetov Miras Jumagulovty qyzmetinen bosatty.
