Áset Isekeshev Qazaqstan Respýblikasy Prezidentiniń kómekshisi bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Áset Órentaiuly Isekeshev Qazaqstan Respýblikasy Prezidentiniń kómekshisi bolyp taǵaiyndalsyn, ol Qazaqstan Respýblikasy Prezidentiniń kómekshisi - Qaýipsizdik keńesiniń hatshysy laýazymynan bosatylsyn", - delingen jarlyqta.
Ol 2020 jyldyń 16 qańtarynda Prezidenttiń kómekshisi - Qaýipsizdik keńesiniń hatshysy qyzmetine taǵaiyndalǵan bolatyn.
Isekeshev 1971 jyldyń 17 tamyzynda týǵan. 1994 jyly Ál-Farabi atyndaǵy QazMUÝ-diń zań fakýltetin bitirgen. 1998 jyly Qazaqstan Respýblikasynyń Prezidenti janyndaǵy Joǵary memlekettik basqarý mektebin aiaqtady.
Qazaqstan Respýblikasy Strategiialyq josparlaý jáne reformalar agenttiginde, Qazaqstan Respýblikasy Ekonomika jáne biýdjettik josparlaý ministrliginde jumys istedi.
2003-2006 jyldary Qazaqstan Respýblikasy Indýstriia jáne saýda vitse-ministri boldy.
Al 2006-2007 jyldary "Qazyna" turaqty damý qory" AQ basqarmasy tóraǵasynyń orynbasary qyzmetin atqardy.
2007- 2008 jyldary "Credit Swiss (Qazaqstan)" kompaniiasynyń qarjylyq jobalar marketingi jónindegi direktory, 2008 jylǵy aqpannan 2009 jylǵy mamyr aralyǵynda Qazaqstan Respýblikasy Prezidentiniń ekonomikalyq máseleler jónindegi kómekshisi, 2009 jylǵy mamyrdan bastap Qazaqstan Respýblikasy Indýstriia jáne saýda ministri, 2010 jyldyń naýryzynan bastap Qazaqstan Respýblikasy premer-ministriniń orynbasary - Indýstriia jáne jańa tehnologiialar ministri, 2012 jyldyń qańtar aiynan bastap Indýstriia jáne jańa tehnologiialar ministri, 2012 jyldyń qyrkúieginen Qazaqstan Respýblikasy premer-ministriniń orynbasary - Qazaqstan Respýblikasy Indýstriia jáne jańa tehnologiialar ministri, 2014 jyldyń 06 tamyzynan bastap búginge deiin investitsiialar jáne damý ministri qyzmetterinde bolǵan.
