Irlandiiada kelesi aptadan bastap 12-15 jastaǵy jasóspirimder koronavirýsqa qarsy vaktsina alýy múmkin, dep habarlaidy Skynews agenttigi.
Aita keteiik, Irlandiia vaktsinatsiia qarqyny boiynsha Eýropada kósh bastap turǵan elder qatarynda. Munda halyqtyń 70%-dan astamy tolyǵymen vaktsinalansa, 84%-dan astamy ekpeniń bir dozasyn saldyrǵan.
Eldiń syrtqy ister ministri Saimon Kovnidiń aitýynsha, Irlandiia úkimeti qyrkúiek aiynyń birinshi jartysynda 12-15 jastaǵy jasóspirimderdi tolyǵymen vaktsinalaýdy josparlap otyr.
12-15 jastaǵy 250000 jasóspirimdi immýndaý kelesi aptada bastalyp, jańa oqý jylynyń basyna deiin aiaqtalady.
Premer-ministr Mihol Martin aitqandai, demalys kúnderi alǵash ret 12-15 jastaǵy jasóspirimder vaktsinatsiiasyn belsendi túrde júrgizý úshin ekpe ortalyqtary ashylady.
Elde koronavirýs juqtyrýdyń 294272 jaǵdaiy tirkeldi. Virýstan 5026 adam kóz jumǵan.
Dúisenbiden bastap elde jabyq meiramhanalar jumysyn qaita bastady.
Olar tolyq vaktsinatsiialanǵandardy nemese sońǵy alty aida koronavirýspen aýyryp shyqqandardy ǵana qabyldaidy.
