Almaty oblysyndaǵy «Danone Berkut» sút zaýyty yrǵaqty jumys istep jatyr. Sonymen qatar, tótenshe jaǵdai talabyn buljytpai oryndaýda. Qazaqstan, Ortalyq Aziia jáne Kavkaz elderindegi Danone kompaniiasynyń korporativtik bailanys jónindegi direktory Dinmuhamed Aisaýytov osylai málim etti, dep habarlaidy "Ult aqparat".
Sondai-aq jumysshylardyń qaýipsizdigi de basty nazarda. Karantinge bailanysty alystan keletinder úshin jatyn oryn men tamaq uiymdastyrylǵan.
Álemdi ábigerge salǵan koronavirýs indetine qarsy turý maqsatynda Danone kompaniiasy tutynýshylaryn sút ónimderimen qamtamasyz etýdi toqtatqan joq.
«Danone Berkut» kompaniiasy birinshi kezekte qyzmetkerlerdiń, tutynýshylardyń jáne óndiristik protsesterdiń qaýipsizdigin qamtamasyz etedi. Zaýyt WISE (Working in Save Environment) baǵdarlamasy boiynsha júmys isteidi. Iaǵni, qaýipsiz aimaqta qyzmet jasaý,jumys tiimdiligin arttyrý jáne jumysshylardyń jeke ómiri men otbasylaryna kóńil bólý», – deidi Dinmuhamed Aisaýytov.
Onyń aitýynsha, DDSU jańa koronavirýsty pandemiia dep jariialamai turyp, kompaniia birqatar saqtyq sharalaryn kabyldaǵan.
«Eń aldymen barlyq sheteldik issaparlardy toqtattyq.Ásirese, qaýpi joǵary elderge jeke saparlarǵa ýaqytsha shekteý qoiyldy. Buqaralyq is-sharalar, jinalystar keiinge qaldyryldy, offlain iskerlik kezdesýlerge qatysýshylardyń sanyn shektedik. Sonymen qatar, keńselerdi, qoimalardy, zaýytty sanitarlyq tazartqyshtarmen, maskamen, qolǵaptarmen, antibakterialdy mailyqtarmen, dene qyzýyn ólsheitin qurylǵylarmen qamtamasyz ettik. Al 16 naýryzdan bastap keńse qyzmetkerleriniń 90 paiyzy qashyqtan jumys isteýge kóshti», – deidi ol.
Óz kezeginde zaýyt jumysshylary barlyq karantin talaptaryna sáikes jumys istep jatyr.
«Zaýytta eshqandai qysqartý joq. Aqysyz demalysqa eshkimdi jibermedik. Kerisinshe zaýyttaǵy jumysshylarǵa barynsha qoldaý kórsetilip jatyr. Iaǵni, osy karantin ailarynda olardyń eńbekaqylaryna qosymsha bonýs qarastyrylǵan. Almatydan keletin qyzmetkerler úshin jatyn oryn, ystyq tamaq uiymdastyryldy. Al, jaqyn jerde turatyndardy arnaiy kólik aparyp, alyp keledi»,– deidi Danone kompaniiasynyń korporativtik bailanys jónindegi direktory Dinmuhamed Aisaýytov.
Barlyq qyzmetkerlerdiń densaýlyǵy qatań baqylaýǵa alynǵan. Jumysshylardyń dene temperatýrasyn kúnine birneshe ret ólsheidi.
«Danone Berkut» kompaniiasy sonymen qatar, shikizat sapasyna, sanitarlyq tazalyǵyna qatań talap qoiýda. Zaýyttaǵy barlyq jumys avtomattandyrylǵan. Jalpy zaýytta 50-den astam adam úsh aýysymmen jumys istep jatyr»,– deidi ol.
Sonymen qatar, kompaniia tótenshe jaǵdai kezinde meditsina qyzmetkerlerine qoldaý kórsetpek.
