Búgin Iranda COVID-19-ǵa qarsy «Kov Iran Barakat» otandyq vaktsinasy klinikalyq synaǵynyń úshinshi satysyn bastady, dep habarlaidy "Ult aqparat".
Iran Islam Respýblikasy aqparattyq agenttiginiń málimetinshe, Tegeranda bastalǵan klinikalyq synaq barysynda vaktsinany eń birinshi bolyp Iran Parlamenti Infektsiialyq aýrýlar jónindegi ulttyq komitetiniń múshesi Miný Mohrez, Densaýlyq saqtaý komissiiasynyń basshysy Hossein Áli Shahriari jáne Hamadan meditsina ýniversitetiniń burynǵy professory Amir Zargar alǵan.
Koronavirýsqa qarsy «Kov Iran Barakat» vaktsinasy klinikalyq synaǵynyń úshinshi satysy aiasynda Tegeran, Býsher, Shiraz, Karadj, Meshhed jáne Isfahan qalalarynyń 18-ben 75 jas aralyǵyndaǵy 20 myń turǵyny alady.
Aita keterligi, 32 myńnan astam erikti osynaý zertteý jobasyna qatysýǵa daiyn ekendikterin bildirgen bolatyn.
Sońǵy málimetterge sáikes, Iranda 2 377 039 adam koronavirýspen aýyrǵan. Onyń ishinde 69 125 adam kóz jumdy. Iranda koronavirýs alǵash taralǵan sátten beri 1 863 405 adam indetten jazylyp shyqty.
