Iran prezidenti Hasan Roýhani ýkraindyq Boeing 737-800 ushaǵyn atyp túsirgenderi úshin keshirim surady. Bul týraly Ýkraina prezidenti Vladimir Zelenskiidiń saitynda jazyldy, - dep habarlaidy Baq.kz.
Atalǵan málimette sóilesýge irandyq tarap bastama jasaǵany da aitylady.
Hasan Roýhani Ýkraina halqyna jáne qaza tapqan adamdardyń otbasylaryna kóńil aityp, 176 adamnyń ómirin jalmaǵan qaiǵyly jaǵdai úshin keshirim surady. Iran basshysy tragediianyń óz áskerileriniń qateliginen bolǵanyn tolyqtai moiyndaǵan, - delingen habarlamada.
Resmi Tegeran áýe apatyna qatysy bar adamdardyń barlyǵy jaýapqa tartylatynyna jáne ýkrainalyq sarapshy topqa "qajetti qoldaý jasalady" dep sendirdi.
Ýkraina prezidentiniń aitýynsha, atyp qulatylǵan ýkrainalyq ushaq ekipajy halyqaralyq ushý erejeleri men nusqalaryn qatań saqtaǵan.
Eske salsaq, 8 qańtar kúni Tegerannan Kievke bet alǵan Ýkraina halyqaralyq aviatsiiasyna tiesili PS752 reisi kókke kóterilisimen eki minýt ótkende apatqa ushyraǵan bolatyn. Ókinishke qarai, apat saldarynan bortta bolǵan 176 adamnyń eshqaisysy tiri qalmady.
Buǵan deiin, Iran áýejaiy Tegeran mańyndaǵy ýkrainalyq ushaq apatynyń sebebin túsindirdi. Olar Tegerandaǵy jolaýshylar ushaǵynyń qulaýyna qozǵaltqyshtan shyqqan órt sebep bolǵanyn málimdedi. Alaida, 11 qańtar kúni Iran Ýkraina ushaǵyn baiqaýsyzda atyp qulatqanyn moiyndady.
Sonymen qatar, Iran Islam Respýblikasynyń prezidenti ushaq jarylysynan qaza tapqan adamdardyń otbasyna kóńil aityp, ushaqtyń atylǵanyna ókinishin bildirgen bolatyn.
