Iran Syrtqy ister ministrliginiń resmi ókili Abbas Mýsavi Almatydaǵy ushaq apatyna bailanysty kóńil aitty, dep habarlaidy Irna agenttigi.
Ol qaza tapqandardyń otbasyna kóńil aitty. Barlyq zardap shekkenderdiń tezirek saýyǵyp ketýine tiltestik bildirdi.
Aita keteiik, búgin tańerteń Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshy men 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nursultan Nazarbaev jolaýshylar ushaǵynyń apatqa ushyraýyna bailanysty kóńil aitty.
QR DSM ushaq apatynan zardap shekkenderge meditsinalyq kómek kórsetý úshin resýrstar jetkilikti ekenin, qan tapsyrýdyń qajeti joq ekenin jetkizdi.
