Irak armiiasy "Islam memleketi" (IM) ekstremistik toby sodyrlaryn Mosýldyń strategiialyq mańyzy bar aýdanynan yǵystyrdy. Túngi operatsiia nátijesinde úkimet kúshteriniń Mosýldyń Mýtan kvartalyn alǵany habarlandy. Tóbede ornalasqan bul aýdan qalany biikten baqylaýǵa múmkindik beredi.
Ótken jylǵy qazan aiynyń sońynan beri kúrdterdiń peshmerga qarýly toby, arab súnnitteriniń taipalary men shiit eriktileriniń jasaqtary AQSh jetekshilik etetin koalitsiia áskeri ushaqtary men keńesshileriniń qoldaýymen Mosýldyń shyǵys bóliginiń úshten ekisine baqylaý ornatqan.
Osy aptada Iraktyń ekinshi iri qalasy - Mosýldy «IM» sodyrlarynan azat etý boiynsha 12 aptalyq naýqannyń ekinshi fazasy bastaldy.
100 myńdaǵan Irak áskeri men Kúrd qaýipsizdik kúshiniń qatysýymen uiymdastyrǵan operatsiiaǵa qaramastan, IM keskilesken qarsylyq tanytýda.
Sodyrlar ásker nysandaryn zaqymdap, snaiper, jankeshti lańkesterdi paidalanýda. «Jandy qalqan» retinde qorǵaný úshin Mosýldyń beibit turǵyndaryn paidalanýda.
IM sodyrlary Iraktyń ekinshi iri qalasy Mosýldy 2014 jyly jazda basyp alǵan.
