video kadry
Almatyda qyzdy turǵyn úidiń kireberisinde atyp ketken, - dep habarlaidy "Ult aqparat" Tengrinews.kzke silteme jasap.
Oqiǵa ornynan túsirilgen video áleýmettik jelilerde paida boldy. Kadrlarda oqiǵa ornynda politsiia qyzmetkerleriniń jumys istep jatqany, sonymen qatar jedel járdem kóligi turǵany kórinedi.
"Kireberistiń aldynda kórshimizdi burynǵy kúieýi atyp tastady. Onda eki oq jatyr", - deidi kýáger kadr syrtynda.
Video sipattamasynda iri kásipkerdiń buǵan deiin burynǵy súiiktisiniń intim videosyn taratqany úshin ustalǵany aitylǵan. Osydan keiin kásipkerdiń tapsyrysymen atalǵan mekenjaiǵa belgisiz er adam kelip, qyzdy eki ret atyp óltirgen.
Almaty Politsiia departamenti málimetinshe, bul qylmys izin sýytpai ashylǵan.
"Kúdiktiler ustalyp, ýaqytsha ustaý izoliatoryna qamaldy. Qazirgi ýaqytta sotaldy tergeý amaldary júrgizilip jatyr. Qazaqstan Respýblikasy Qylmystyq-protsestik kodeksiniń 201-baby talaptaryna sáikes ózge de málimet jariialanbaidy", - dep habarlady Almaty Politsiia departamentiniń baspasóz qyzmeti.
Politsiia QR Qylmystyq-protsestik kodeksiniń 201-babyna silteme jasap, zardap shekken qyzdyń jaǵdaiyn jáne oqiǵanyń qandai bap boiynsha tergelip jatqanyn naqtylamai otyr.
