Facebook pen Instagram arqyly joldaǵan shaǵymdar internet sapasyn tekserýge negiz bola almaidy. Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin qazaqstandyqtarǵa osyndai ótinish aitty, dep habarlaidy QazAqparat.
Ministrdiń aitýynsha, qazir ár oblysta intenet sapasyn ólsheitin arnaiy qondyrǵy bar. Biraq onyaýyzsha shaǵymdardyń negizinde qoldanýǵa zańnama ruqsat etpeidi.
«Internettiń sapasyn arttyrý úshin biz arnaiy qondyrǵy satyp aldyq. Buǵan deiin olardyń sany respýblika boiynsha altaý ǵana bolatyn. Iaǵni, búkil el aýmaǵyna osy 6 qondyrǵyny paidalanyp kelgen edik. Qazir 17 óńirde 17 qondyrǵy bar. Ár oblystyń ortalyǵynda tur. Óńirlerdegi internet sapasyn tekserý úshin óńirlerge shyǵyp turamyz», - degen ministr óziniń Túrkistan oblysyndaǵy internet sapasy nashar aýyldardy qalai anyqtaǵanyn baiandap berdi.
«Shymkentten Túrkistanǵa ketip bara jatyp, 2 aýylǵa kirgenmin. Sonda bul aýyldarda internet shynymen álsiz ekenin kórdik. Sáikesinshe jańaǵy aitqan qurylǵymen ólshemder aldyq. Sol ólshem qorytyndysy boiynsha KCell kompaniiasyna aiyppul jazyp berdik. Internet usynýshy uiymǵa keleńsizdik joiý úshin 2 ai ýaqyt berdik. Eger kemshilikter ýaqytynda joiylmasa, budan qataldaý sharalar qabyldaýǵa quqyǵymyz bar. Mine osyndai tásilmen 17 óńirde sapasyz interneti bar aýyldardy anyqtap, qyzmet usynýshylarǵa aiyppul taǵaiyndaimyz», - deidi Baǵdat Mýsin.
Ol, sondai-aq, áleýmettik jeli arqylytúsken shaǵymdar tekserýdi bastaýǵa negiz bola almaitynyn eskertti.
«Feisbýk», «Instagram» arqyly kóp ótinim keledi. Biz olardy tekserýge negiz etip paidalana almaimyz. Bas prokýratýranyń biznesti qorǵaý aiasyndaǵy talaby osyndai. Biz azamattardyń jazbasha ótinishi boiynsha ǵana tekserý bastai alamyz. Ol ótinishe shaǵymdanýshynyń ózi qol qoiý kerek nemese ETsQ arqyly rastalǵan bolýy kerek. Sondyqtan, biz shynymen aýyldaryńyzǵa baryp internet sapasyn ólshem, qajetti sharalar qabyldaǵanymyzdy qalasańyzdar, shaǵymdaryńyz ministrlikke tikelei resmi baǵyttalýy kerek. Telekommýnikatsiialar komitetine de joldaýlaryńyzǵa bolady», - dedi Baǵdat Mýsin.
