Internet keńistigin monitoringileý kúsheitiledi. Bul týraly búgin Úkimet otyrysynda QR Aqparat jáne qoǵamdyq damý ministri Asqar Ýmarov málim etti, dep habarlaidy QazAqparat.
«Ministrlik óz quzireti aiasynda azamattardyń radikaldanýyna jol bermeý jáne dindi destrýktivti maqsatta paidalanýyn boldyrmaý úshin dini ekstremizmniń aldyn alýǵa baǵyttalǵan jumystardy uiymdastyrdy. Ministrlik jergilikti atqarýshy organdarmen birlesip, jalpy profilaktikalyq sipattaǵy, sondai-aq radikaldy ideologiiaǵa tartý táýekeli bar halyqtyń nysanaly toptary arasynda aqparattyq túsindirý jumystaryn qolǵa aldy. Áleýmettik jelilerge nazar aýdara otyryp, radikaldy dini idealogiianyń aldyn alý jáne qarsy nasihattaý boiynsha aqparattyq alańda belsendi jumys júrgizilýde. Destrýktivti jáne radikaldy kózqarastardy ustanýshylardy dástúrli islam arnasyna qaitarý maqsatynda ministrlik arnaýly quqyq qorǵaý jáne jergilikti atqarýshy organdarmen birlesip, ońaltý jumystaryn júrgizýde», - dedi Asqar Ýmarov.
Sonymen qatar ol Memleket basshysy belgilegen tapsyrmalardy iske asyrý aiasynda jastar, jumyssyzdar jáne óz-ózin jumyspen qamtyǵan azamattar, dindarlar, destrýktivti dini aǵymdardyń jaqtaýshylary siiaqty azamattardyń neǵurlym osal toptarymen ataýly aqparattyq túsindirý jumysy kúsheitilgenin atap ótti.
«Internet arqyly halyqtyń radikaldanýyna jol bermeý maqsatynda radikaldy dini kontentti anyqtaý, onyń aldyn alý, sondai-aq áleýmettik jelilerde, ásirese, jastar arasynda dini ekstremizmdi qarsy nasihattaý turǵysynda internet keńistiginiń monitoringin kúsheitiledi jáne áleýmettik jelilerde radikaldy toptar men qoǵamdastyqtardyń qazaqstandyq jazylýshylarymen ataýly jumysqa nazar aýdarylady. Destrýktivti dini aǵymdardy ustanýshylarmen, onyń ishinde «Jýsan» arnaýly operatsiiasy aiasynda terroristik belsendi aimaqtardan qaitarylǵan áieldermen ońaltý jumysy odan ary jalǵasady», - dedi ministr.
