Qaznette «Báiterek» hodinginiń logotipimen jarnamalyq habarlamalar taratylýda. Onda qatysýshylar qysqa ýaqytta millioner bolmasa, 100 myń dollar kóleminde kepildendirilgen soma beriledi delingen. Bul - alaiaqtardyń isi, dep habarlaidy Stopfake.kz saity.
Biz jelidegi aldaýdyń osyndai shemasy týraly buǵan deiin jazǵan bolatynbyz.
«Báiterek» UBH» AQ ókilderi mundai utys oiyndaryna jáne osyndai habarlandyrýlarǵa eshqandai qatysy joq ekenin habarlady – bul alaiaqtardyń áreketi.
«Aqparat shyndyqqa sáikes kelmeidi. Jalǵan posttarda silteme jasalǵan «Memlekettik tsifrlyq platformaǵa» jáne «Báiterek Invest platformasyna» «Báiterek» holdinginiń eshqandai qatysy joq», – delingen «Báiterek» Ulttyq basqarýshy holdingi» AQ baspasóz qyzmetiniń habarlamasynda.
Esterińizge sala keteiik, barlyq shynaiy naqty aqparat Holdingtiń resmi paraqshalarynda jariialanady:
«Báiterek» Ulttyq basqarýshy holdingi» AQ baspasóz qyzmeti alaiaqtardyń arandatýyna boi aldyrmaýǵa shaqyrady. Sonymen qatar, paidalanýshylardan Holdingtiń resmi paraqshalary arqyly alaiaqtardyń posttary týraly habarlaýdy surady.
