Foto: znaj.ua
Astanada tapsyryspen bóten múlikti órtemek bolǵan er adam sottaldy. Bul týraly qalalyq prokýratýra habarlady.
Tergeý derekterine sáikes, áleýmettik jeli arqyly qosymsha tabys izdegen azamat Instagram arqyly túsken usynysty qabyldap, 2 myń AQSh dollary úshin zańǵa qaishy áreketke barǵan. Ol turǵyn úidi órteý týraly tapsyrmany oryndaýǵa kelisken.
Prokýratýra málimetinshe, úi ishinde adamdardyń bolýy múmkin ekenine qaramastan, sottalýshy aldyn ala daiyndalǵan órtegish qurylǵylardy turǵyn úige laqtyryp, azamattardyń ómiri men densaýlyǵyna tikelei qaýip tóndirgen.
Alaida qylmystyq niet tolyq júzege aspai, is ózge jaǵdailarǵa bailanysty sońyna deiin jetkizilmegen.
Sot er adamdy bótenniń múlkin joiýǵa oqtaldy dep tanyp, burynǵy sottylyǵyn eskere otyryp, ony 3 jyl 6 aiǵa bas bostandyǵynan aiyrý jazasyna kesti.
Astana prokýratýrasy áleýmettik jeliler arqyly usynylatyn kúmándi «jumystarǵa» qatysý aýyr qylmystyq jaýapkershilikke ákeletinin eskertip, mundai áreketter adam ómiri men qaýipsizdigine úlken qater tóndiretinin málimdedi.
