Tabiǵat qorǵaý inspektorlary Sharyn ulttyq parkindegi albinos qaraquiryqty áýeden sanaq júrgizý kezinde videoǵa túsirdi, dep habarlaidy "Ult aqparat" Orman sharýashylyǵy jáne janýarlar álemi komitetine silteme jasap.
«Albinos qaraquiryq Sharyn ulttyq parki aýmaǵynda júrgizilgen áýe sanaq kezinde taǵy da inspektorlarǵa jolyqty. Ǵylymi qyzmetkerlerdiń aitýy boiynsha, tabiǵatta mundai qubylys jiyrma myńnyń birinde ǵana kezdesedi eken.
Qaraquiryq kórikti bolǵanymen onyń ómir súrýi óte qiyn bolmaq. Jyrtqysh ańdardyń kózine birden túsip, albinostarǵa tán túrli aýrýǵa shaldyǵýy múmkin. Ulttyq park qyzmetkerleri men «Ohotzooprom» mekemesiniń inspektorlary erekshe ańdy nazarda ustaityn bolady», delingen komitettiń Facebook-tegi paraqshasynda.
Qaraquiryq Qazaqstannyń Qyzyl kitabyna engizilgen. Úshinshi sanattaǵy sany azaiyp bara jatqan ań túri. Ol ótken ǵasyrdyń ortasyna deiin Kaspii teńizinen Ile oipatyna deiin barlyq shóleitti jáne shóldi aimaqtarda tegis mekendeitin. Sol kezde elimizde 200 myńdai qaraqquiryq bolsa, onyń 100 myńdaiy Mańǵystaý oblysynyń aýmaǵynda tirshilik etti. Búginde Qazaqstanda 20-25 myńdai qaraquiryq meken etedi.⠀
