Astana Hub halyqaralyq IT-startaptar tehnoparki qazaqstandyq jáne sheteldik mamandar úshin IT salasyndaǵy óz múmkindikterin kópshilikke pash etti.
Astana Hub quraldary jáne áleýetiniń prezentatsiiasy tehnoparktiń negizgi baǵyttaryn kórsetý, IT-qoǵamdastyǵy ókilderimen yntymaqtastyq úshin múmkindikterin belgileý, sondai-aq tehnoparktiń infraqurylymy men tujyrymyna halyqaralyq sarapshylardyń baǵa berýi maqsatynda ótkizilgen bul sharada Z-zamanynyń tsifrly balalary jetik nátijeli robototehnika salasyndaǵy jumystaryn kórsetti.
Tusaýkeserde Qazaqstan Respýblikasy Premer-Ministriniń orynbasary Asqar Jumaǵaliev qazirgi ýaqytta elde innovatsiialyq jobalardy damytý úshin barlyq múmkindikter bar ekenin aitty.
– Jas jetkenshekterdiń osyndai eńbekpen jasalǵan jumystaryn kórip, Elbasymyz Nursultan Nazarbaevtyń innovatsiialyq ekojúie qurý týraly ideiasynyń oryndalatynyna naqty senim paida boldy. Árine, biz áli zańnamalyq ózgeristerden, mamandardyń synynan ótýimiz kerek, biraq qazir paida bolǵan dúnieler sonshalyqty úlken, men osyny sezindim, – dedi ol.
Elimiziń ár aimaǵynan kelgen, bolashaǵynan IT-salasynda úzdik bolatyndai úmit kúttiretin, ártúrli respýblikalyq baiqaýlar men olimpiadalarynyń jeńimzdary óz jobalaryn usyndy.
«Biz Aqtaý qalasynan keldik, óte qatty qatysqymyz keldi. Biz KazRoboProject kompaniiasyna irikteýden ótken bolatynbyz. Protezdiń jańa nusqasyn oilap taptyq, jańarttyq, jáne bul jumysymyz tabysty boldy dep senemiz. Ashyp aitatyn bolsaq, neirointerfeispen basqarylatyn ámbebap qol protezin ázirledik. Ony aldymen basqa kiedi, onyń eki kontaktisi bar «oń» jáne «teris» – «oń» bastyń aldyńǵy jaǵyna kigiziledi, ol jerde midyń signaldaryn oqýdyń eń ońai joly bar, al «teris» beitarap bóligi bolǵandyqtan tek qulaqqa ǵana kigiziledi. Olardyń kómegimen protezdi basqarýdy ońai úirenýge bolady. Ádette protezden múldem beihabar adamdar bir saǵattyń ishinde meńgerip alady», – deidi qatysýshylardyń biri.
«Tsifrlyq Qazaqstan» óz kezeginde innovatsiialyq tehnologiialardyń múmkindikterin arttyrýǵa, jańa dúnielerdiń paida bolýyna zor yqpalyn tigizýde.
«Uztazymmen birigip «qubyr tazalaǵysh robotty» jasap shyǵardyq.Robot munai, sý, kanalizatsiia, ónerkásiptik gazdy nemese basqa da qubyrlardy tazartý maqsatynda jasalynǵan. Ashyq konstrýktsiianyń arqasynda qubyrdyń kez-kelgen túrin tazartýǵa bolady, munai óńdeitin qubyrlardy tazatý jóninen búgingi tańda túsimizge de kirip shyqpaǵan, áli de qol jetpegen nátijeni kórýge bolady. Mysaly, qazir Qazaqstanda munai óńdeý zaýytynyń qýattylyǵy táýligine2 million barreldi quraidy, al bulqurylǵynyń kómegimen biz keminde 2,3 úsh million barrel nátijesine qol jetkize alamyz. Bul degenimiz Qazaqstannyń 2025 jylǵy josparyna para-par. Bundai qurylǵy álemde esh elde qoldanylmaidy iaǵni dúnie júzinde anlogy joq. Qazirgi ýaqytta biz patentpen ainalysyp jatyrmyz, patentteýdiń sońǵy satysyndamyz», – Nazarbaev Ziiatkerlik mektebiniń 10 synyp oqýshysy Qýanysh Maden.
Búgingi tańda Astana Hub-halyqaralyq IT-startaptar tehnoparki jáne Qazaqtandaǵy innovatsiialyq tehnologiialardy damytýdyń ózegi bolyp otyr. Osy turǵydan startaptardyń damýy boiynsha jańa baǵdarlamalar legin iske qosty.
Zeiindi balalardyń bul jumystary álem arenasynan oiyp oryn alatyndai múmkindikteri kórinip-aq tur. Osyndai kreativtilikpen jasalǵan dúnieler elimizdi tsifrlyq sheshimder ortalyǵy retinde biik belesterge shyǵarary sózsiz.
Orazov Arshat
