Qazaqstandyqtarǵa belgili 15 jastaǵy neil-master Arýlyat Muhametqali videoúndeý jazyp, halyqtan 8 jastaǵy naýqas inisi Bekarysqa múgedekter arbasyn satyp alýǵa kómektesýin surady. Ol eki million teńgeden astam turady. Bes balany asyrap otyrǵan jáne otbasylyq biýdjettiń negizgi bóligin naýqas balany emdeýge jumsaityn otbasynyń buǵan shamasy jetpeidi, - dep habarlaidy Tengrinews.kz.
Eske salaiyq, jas manikiýr sheberiniń inisi Bekarys eki jasynda úshinshi qabattan qulap túsken bolatyn. Bas miy jaraqatynyń saldarynan sal bolyp qalǵan. Qazaqstandyq jáne sheteldik dárigerler balany emdeýdi áli bastaǵan joq. Balanyń densaýlyǵy Qyrǵyzstandaǵy dárigerdiń baqylaýynda. Otbasy ár sapary úshin aqsha jinaýǵa májbúr. Arýlat Muhametqali inisine kómektesý úshin tyrnaq jasaý isin úirengen. Qazir Bekarys Nur-Sultanda turaqty túrde ońaltýdan ótip turady. Otbasy ár emdeý kýrsyn ózi tóleidi.
"Qazirgi ýaqytta anam ońaltýdan ótip jatqan inimmen birge Nur-Sultanda, dárigerler onyń diagnozymen arnaiy kópfýnktsionaldy múgedekter arbasy qajet ekenin aitty", - dedi ol videoda.
Bala qazir 592 myń teńge jinalǵanyn habarlap, kómek kórsetkenderge alǵys aitty.
Al anasy Saniia Rahimovanyń sózinshe, balanyń jaqsy arbasy bar, biraq ol boiyna sáikes kelmei qalyp, sodan densaýlyǵy nasharlap jatyr. Arba Bekarysqa arnaiy jasalady, onyń omyrtqa men aiaq bekitkishi jáne arnaiy bas qoiatyn bóligi bolady.
"Mundai arba ulymnyń boiyna qarai bes jylǵa jaraidy", - dep túsindirdi áiel.
