Indýstriialandyrý baǵdarlamasy iske qosylǵan 2010 jyldan beri 1527 kásiporyn iske qosylǵan, dep habarlaidy QazAqparat.
«2010 jyldan beri Indýstriialandyrý baǵdarlamasynyń aiasynda 1527 joba iske qosylǵan. 500-dei jańa taýarlardyń óndirisi jolǵa qoiyldy. Atap aitsaq, Aqtóbede temirjol relsteri, Kentaýda transformator shyǵaratyn 4 zaýyt ashyldy. Avtobýstar men avtomobilder shyǵaratyn kásiporyndar salynyp, kiim jáne kilem ónidirisi damydy», - dedi «QazIndustry» qazaqstandyq indýstriia jáne eksport ortalyǵy» AQ basqarma tóraǵasy Berik Bekenov Ortalyq kommýnikatsiialar qyzmetinde ótken baspasóz máslihatynda.
Indýstriialyq damý komitetiniń tóraǵasy Marat Qarabaevtyń aitýynsha, byltyr indýstriialandyrý baǵdarlamasynyń aiasynda ashylǵan óndiris oshaqtary jalpy óńdeý ónerkásibinde shyǵarylǵan ónimniń 35 paiyzyn bergen.
«Inýdstriialandyrý baǵdarlamasy bastalǵan 2010 jyldan beri 9 trln teńgeden astam aqsha tústi. 212 myń jańa jumys orny ashyldy. Byltyr jalpy óńdeý ónerkásibinde 13 trln teńgeniń ótaýary óndirilse, sonyń 35 paiyzy, iaǵni 4,6 trln teńgesi Indýstriialandyrý baǵdarlamasy sheńberinde iske asyrylǵan jobalardyń úlesine keledi», - dedi komitet tóraǵasy.
