2020 jyly álemge tanymal bolǵan #JerusalemaDanceChallene álemdik chellendji jańa formatqa ie boldy. Qazaqkontserttiń Almaty qalasyndaǵy filialy ártisteri bul chellendjdi Imanbektiń «Roses» (Imanbek Remix) hit áni negizinde jalǵastyrdy, dep habarlaidy "Ult aqparat".
Áserli fleshmobqa Altynbek Qorazbaev, Aijan Nurmaǵambetova, Janna Orynbasarova, Saia Mahambet, Bibigúl Qilymhan, Perizat Omarbekova, Maral Anarbek, «Aziia» jáne «Melomen» toptary qatysyp, jańa obrazdarymen tańǵaldyrdy. Jańa formattaǵy chellendj pandemiia kezinde halyqqa qoldaý kórsetýge jáne kóterińki kóńil-kúi syilaýǵa baǵyttalǵan.
Uiymdastyrýshylardyń aitýynsha, #ImanbekDanceChallenge pozitivke shaqyryp, adamzatty birlik pen yntymaqqa úndeidi.
Qazaqkontsert ártisteri endigi kezekte jańa chellendjdi barlyq kontserttik uiymdarǵa joldap, ózimizdiń qazaqstandyq talanttardyń hitterin trendke ainaldyrýǵa shaqyrady.
