MTV Resei telearnasy 2021 jylǵy mýzykanttar tizimin jariialady. Úzdik ondyqqa "Gremmi" syilyǵynyń alǵashqy iegeri atanǵan qazaqstandyq saýnd-prodiýser Imanbek Zeikenov te endi, - dep habarlaidy Tengrinews.kz agenttigi.
MTV Russia jyl mýzykanttarynyń tizimin Instagram paraqshasynda jariialady. 2021 jylǵy top-10 mýzykantqa qazaqstandyqpen birge Mari Kraimberi, Slava Marloý, Mýsia Totibadze, Jony, Mot, Zivert, Vania Dmitrienko, Mary Gu jáne Anet Sai kirdi.
"Jyl boiy tyńdalǵan áýender! "Jyl mýzykanty" marapaty indýstriiaǵa eleýli úles qosqan talantty oryndaýshylardyń jetistikterine arnalǵan. Olar - joǵary sapaly mýzyka, ózindik erekshelik, aýditoriiany taný jáne kásibi oryndaýshylyq mádenietti biriktirgen túrli janrdaǵy jarqyn, ózinshe biregei ártister", - delingen MTV telearnasynyń habarlamasynda.
