Qazaqstandyq aýyr atlet Ilia Ilin 2020 jyly Tokioda ótetin Olimpiada oiyndaryna qatysa alady, - dep habarlaidy Vesti.kz saitynyń qazaq bólimi.
Ilin doping daýynan keiin 2008 jáne 2012 jylǵy Olimpiada altyndarynan aiyrylǵan bolatyn. IWF uiymynyń tártiptik komissiiasynyń sheshimi boiynsha ol eki jylǵa sporttan shetteligen edi. Shettetý 2016 jyldyń 10 maýsymynda kúshine engen bolatyn.
Osylaisha, atletti sporttan shettetý 2018 jyldyń 10 maýsymynda aiaqtalady da, ol 2020 jylǵy Olimpiadada Qazaqstan quramasy sapynda óner kórsetýi múmkin.
Sonymen birge, Qazaqstannyń Aýyr atletika federatsiiasynyń kómegimen Ilia Ilin Olimpiadadan ózge jetistikterin saqtap qala aldy. Eske salaiyq qazaqstandyq aýyr atlet álemniń tórt dúrkin chempiony.
