Ilia Ilin ministrlikten qyzmetten ketý týraly aryz berdi, - dep habarlaidy kaz.tengrinews.kz tilshisi.
"Qalai bolǵanda da meniń abyroiyma nuqsan keldi. Meniń arym taza, men taza jumys istedim. Biraq myna bizge berilgen saraptamalardy úlken mekeme jiberdi, olar "Keshirińiz, siz jumys istei almaisyz" deidi. Men ne úshin jumys isteýim kerek dep oiladym, oiymdy jinaqtap, ary qarai qaida baratynymdy josparlaýym tiis. Maqsat qoiyp, baǵyt tańdap, sosyn baryp meni jumysqa alyńyz deimin. Birinshi miymdy tynyqtyryp, jumysqa baryp, sonda ǵana birdeńe usynýǵa bolady. Búgin bir ǵajaiyp bolady dep sendim, alaida olai bolmady. Negizinde kóp jerde ózińdi kerek etetin jerler kóp. Sondyqtan men ázirshe jumystan bosatý týraly aryz jazyp, sheshim qabyldaýǵa asyqpaýdy uiǵardym", - dedi Ilin OKQ brifingi barysynda.
"Alǵa qarai júrý kerek. MVA-ǵa oqýǵa túsip, ekinshi jaqtan kásipkerlikpen ainalysamyn", - dedi sportshy.
"Bizde árkim óz jumysyn isteidi, múmkin sol da bizdiń kemshiligimiz shyǵar. Men basynda tyrystym, birneshe jigitke qońyraý shaldym. Olar da ne isteitinin bilmeidi. Múmkin men bárine habarlasarmyn. Barlyǵy da ań-tań bolyp, ne bolyp jatqanyn túsinbeidi. Nege? Qalai? Barlyǵy da osylai. Ary qarai jyljý kerek", - deidi Ilia.
Sportshy eshkimge kiná taqpaitynyn aitty.
"Men bireýge kiná taǵýǵa quqym joq. Biz ádil jeńdik, jeńile de bilý kerek, halyqpen kezdesip, jaýap beretin de solar. Men eshkimge kiná artpaimyn: ózime de, bapkerlerime de, ainalamdaǵy adamdarǵa da. Biz bireýden kiná izdemei, ózimiz sheshim shyǵarýymyz qajet. Eger men bireýdi saýsaǵymmen nusqaityn bolsam, budan eshteńe ózgere qoimaidy. Barlyǵy da qýanyp, qushaqtasty, al qiyn kezde soqqyny qabyldaýǵa da daiyn bolý qajet", - dedi Ilin.
"Memleket basshysymen biz bul taqyrypta sóilespedik. Meniń oiymsha, Prezident budan habardar, qazirgi kezde qiyn jaǵdaiǵa tap bolǵan atletterdi qalai qoldaý kerektigin oilap otyrǵan bolar. Medaldar bolady, jaqsy mektep, barlyǵy da jaqsy bolady. Jigitter jaqsy kóterip júr, oblystarda jaqsy jumystar istelinip jatyr", - dep aiaqtady aýyratlet óz sózin.
Eske salaiyq, búgin Qazaqstan Respýblikasy Ulttyq Olimpiada komiteti Halyqaralyq Olimpiadalyq komiteti tarapynan 2008 jáne 2012 jyldardaǵy Olimpiada oiyndaryna qatysqan qazaqstandyq sportshy Ilia Ilinge qatysty aǵzasynan tyiym salynǵan preparattardyń izi tabylǵandyqtan, jaza qoldanylǵandyǵy týraly resmi habarlama alǵan bolatyn.
Al keiin Qazaqstannyń Aýyr atletika federatsiiasy júldelerinen aiyrylǵan Ilia Ilinge bailanysty jaǵdai týraly málimdeme jasaǵan edi.
Munyń aldynda HOK Svetlana Podobedova, Zúlfiia Chinshanlo men Maiia Manezany doping synymylary rastalǵannan keiin 2012 jylǵy Olipiadanyń altynynan aiyrǵan, al erkin kúres palýany Taimýraz Tigievti 2008 Olipiadanyń kúmis júldesinen aiyryp, Almas Óteshiovtyń nátijesin joiǵan bolatyn. Keiin taǵy bes sportshy Mariia Grabovetskaia (75 keliden joǵary kategoriiada qola medal alǵan), Áset Mámbetov (96 kelige deiingi salmaqta qola medal alǵan), Maiia Maneza (týrnir bastalmai turyp, jarystardan shyǵyp qalǵan), Irina Nekrasova ("63 kelige deiingi salmaqta kúmis medal enshilegen) jáne Vladimir Sedovtardyń (85 kelige deiingi kategoriiada tórtinshi oryn alǵan) jetistigin joiý men jarystan shettetiletini týraly habarlanǵanbolatyn.
