Aýyr atletikadan álem chempionatynda Qazaqstan namysyn ziltemirshi Ilia Ilin men Zýlfiia Chinshanlo qorǵaidy, dep habarlaidy "Ult aqparat".
16 qyrkúiek kúni Tailandtyń Pattaia qalasynda aýyr atletikadan 85-shi álem chempionaty ashylady. Osy oraida, Qazaqstan komandasynyń bapkerler keńesi álem birinshiligine qatysatyn sportshylardy atady.
«Áielder arasyndaǵy básekede Qazaqstannan eki sportshy baq synaidy. Olar – Zúlfiia Chinshanlo (55 keli) jáne Ekaterina Bykova (71 keli)», delingen habarlamada.
Qazaqstan erler komandasynyń tizimi:
55 keli: Arli Chontei, Igor Son
89 keli: Denis Ýlanov,
81 keli: Nihat Rahymov, Aidar Qazov
96 keli: Ilia Ilin
109 keli: Ibragim Bersanov.
Pattaiadaǵy álem chempionaty Olimpiadaǵa irikteý týrnirleriniń sanatyna jatady. 27 qyrkúiek kúni máresine jetetin jarysta erler men áielder toǵyz medal jiyntyǵyn sarapqa salady.
