Qazaqstandyq aýyratet Ilia Ilin Olimpiada medaldarynan aiyrylǵany jaily pikir bildirdi, - dep habarlaidy Ult.kz tilshisi kaz.tengrinews.kz portalyna silteme jasap.
"Kezdesip, áńgimelesý kerek, jinalý kerek, bárine el bolyp, qandai da bir sheshim jasaý kerek, onyń ústine halyq ýaiymdap jatyr. Halqyma rizamyn. Men pomostqa shyqqanda eshqashan jeńilmegenmin. Osynyń arqasynda bosańsymaimyn. Menimen birge ekenin aitqan halyqtyń qoldaýynan da kúsh alamyn. Jeńisterimdi tamashaǵalandardyń barlyǵy medaldardyń úlken eńbekpen kelgenin biledi. Qoldaý bildirip jatqan adamdarǵa alǵys aitqym keledi. Men tirimin, ómirim alda. Menińshe, Olimpiadada emes, jeke bas jeńisterim bolady dep senemin", - dedi Ilin.
"Qazir men eseńgirep qaldym, árine. Búgin aǵylshyn tiline jattyǵýyma barǵaly jatqanymda BAQ-tardan osy jańalyqty bildim. Bul týraly men el siiaqty BAQ-tan bilip otyrmyn. Tańǵaldym, keiin jattyǵýǵa bardym, áli de shtanga kóterip júrmin", - dedi sportshy.
Ilin jeke isin ashý týraly oiyn da bólisti. "Anamnyń sulýlyq salony bar, munda da is bastaǵym keledi. Kishigirim dúnieden bastaǵym keledi. Biraq bul ázirshe oilarym ǵana, otbasy biznesi", - dedi aýyratlet.
"Apelliatsiia týraly áli oilanamyn. Men bári de aiaqtaldy dep oilaǵanmyn, biraq sizder maǵan úmit syiladyńyzdar. (...) Endi advokat jaldaýym kerek shyǵar. Ziltemir kótergim keledi, bul isimdi unatatatyn adamdar bar. Men Qazaqstan Respýblikasyna qyzmet ettim. Al jaǵdai osyndai bolyp otyr. Ómir boiy eńbektenesiń, sóitesiń de sońynda óziń kináli bolyp shyǵasyń", - dedi sportshy.
Sondai-aq, ol ministrlikten qyzmetten ketetini týraly málimdeme jasady.
Eske salaiyq, búgin Qazaqstan Respýblikasy Ulttyq Olimpiada komiteti Halyqaralyq Olimpiadalyq komiteti tarapynan 2008 jáne 2012 jyldardaǵy Olimpiada oiyndaryna qatysqan qazaqstandyq sportshy Ilia Ilinge qatysty aǵzasynan tyiym salynǵan preparattardyń izi tabylǵandyqtan, jaza qoldanylǵandyǵy týraly resmi habarlama alǵan bolatyn.
Al keiin Qazaqstannyń Aýyr atletika federatsiiasy júldelerinen aiyrylǵan Ilia Ilinge bailanysty jaǵdai týraly málimdeme jasaǵan edi.
Munyń aldynda HOK Svetlana Podobedova, Zúlfiia Chinshanlo men Maiia Manezany doping synymylary rastalǵannan keiin 2012 jylǵy Olipiadanyń altynynan aiyrǵan, al erkin kúres palýany Taimýraz Tigievti 2008 Olipiadanyń kúmis júldesinen aiyryp, Almas Óteshiovtyń nátijesin joiǵan bolatyn. Keiin taǵy bes sportshy Mariia Grabovetskaia (75 keliden joǵary kategoriiada qola medal alǵan), Áset Mámbetov (96 kelige deiingi salmaqta qola medal alǵan), Maiia Maneza (týrnir bastalmai turyp, jarystardan shyǵyp qalǵan), Irina Nekrasova ("63 kelige deiingi salmaqta kúmis medal enshilegen) jáne Vladimir Sedovtardyń (85 kelige deiingi kategoriiada tórtinshi oryn alǵan) jetistigin joiý men jarystan shettetiletini týraly habarlanǵan bolatyn.
