Qazaqstannyń Aýyr atletika federatsiiasynyń bas hatshysy Omar Mustafin Ilia Ilinniń 2020 jyly Tokioda ótetin Olimpiada oiyndaryna qatysýy múmkin ekenin málimdedi, dep habarlaidy QazAqparat tilshisi.
«Onyń keisi eki jylǵa sporttan shettetilip, Olimpiadadan tys barlyq nátijeleri saqtalǵan Maia Maneza keisimen shamalas», - dedi Omar Mustafin IWF dopingke qarsy halyqaralyq konferentsiiasynda jýrnalisterge bergen suhbatynda.
Eske sala ketsek, Ilia Ilinniń synamasynan doping tabylyp, 2008 jáne 2012 jyldary ótken Olimpiada oiyndarynyń altyn júldelerinen aiyrylǵan edi.
Alaida aýyr atletti sporttan shettetý týraly sheshim áli qabyldanǵan joq.
Federatsiia basshysynyń aitýynsha, qazaqstandyq aýyr atlet Ilia Ilin isi boiynsha sheshim qabyldaý birneshe aiǵa deiin sozylýy múmkin.
